Грамадскае аб’яднанне «VulcanicaMente» разам з ГА «Цэнтр «Трэці сектар» запрашаюць валанцёра_ку на ЕВС-праект у горадзе Лечче, Італія.
VulcanicaMente - некамерцыйная арганізацыя на поўдні Італіі, якая прапаноўвае магчымасці мясцовай супольнасці развіваць свае кампетэнцыі ў сферах нефармальнай адукацыі, мабільнасці, міжкультурнага і міжпакаленчага паразумення. Арганізацыя рэалізуе мясцовыя ініцыятывы і ўдзельнічае ў еўрапейскіх праектах.
Калі табе ад 18 да 30 гадоў, цябе цікавіць нефармальная адукацыя і НДА менеджмент, і хочаш на год апынуцца ў свеце італьянскай мовы і культуры, гэты праект для цябе!
Дзе? Лечче, Італія
Калі? Сакавік 2018 — Люты 2019
Валанцёр_ка атрымае магчымасць:
- Дапамагаць выкладчыкам у правядзенні моўных курсаў для дарослых і дзяцей з выкарыстаннем нефармальных метадаў адукацыі
- Арганізаваць клуб сваёй роднай мовы
- Прасоўваць магчымасці Erasmus+ сярод мясцовых жыхароў
- Распрацоўваць ідэі з камандай Vulcanicamente — планаванне мясцовых мерапрыемстваў, а таксама праектаў ў межах праграма Эразмус+, напісанне заяўкі, рэалізацыя і мэнэджмент праекта
- Працаваць у офісе з камандай
- Весці блог валанцёра, дзяліцца сваім досведам і натхняць іншых!
- Стварыць ровар сваімі рукамі
Валанцёры_кі будуць мець магчымасць распрацоўваць і арганізоўваць свае ўласныя мерапрыемствы, семінары, мясцовыя і міжнародныя праекты.
Валанцёр_ка будзе працаваць 35 гадзін у тыдзень (не больш за 7 гадзін у дзень). Расклад гнуткі, будзе складзены і ўзгоднены разам з камандай. Валанцёр_ка з Беларусі будзе працаваць разам з валанцёрам_кай з Грэцыі.
Выдаткі
Праектам забяспечваецца даезд на месца праекта і назад, страхоўка, пражыванне і харчаванне, а таксама выдаткоўваюцца кішэнныя грошы.
Заяўка
Каб падаць заяўку на ўдзел у праекце, патрэбна да 27 верасня запоўніць заяўку (у графе Sending organisation трэба выбраць «NGO «Centre «The Third Sector») і даслаць CV на ангельскай ці італьянскай мове на адрас 3sektaryia@gmail.com, з пазнакай «Валанцёрства ў Лечче».
Напрыканцы праекта валанцёры атрымаюць Youthpass сертыфікат з апісаннем кампетэнцый, развітых у межах праекта.
Праект ладзіцца ГА «Цэнтр «Трэці сектар» разам з Vulcanicamente у межах адной з акцый праграмы Еўразвяза «Эразмус плюс» — Еўрапейская валанцёрская служба (EVS).
