Дадаць навіну
Субота, 22 верасня 2018, 12:18

У Гродна прыбыла цудатворная ікона Божай Маці Жыровіцкай

Больш за сотню праваслаўных вернікаў сустракалі 20 верасня ў Гродне ў жаночым Свята-Раства-Багародзіцкім манастыры копiю цудатворнай іконы Божай Маці з Жыровіцкага манастыра.

Жыровіцкая ікона Божай Маці ўваходзіць у спіс 100 самых значных праваслаўных ікон свету. У Гродна даставілі дакладную копію іконы ў гонар 25-годдзя яе адраджэння.

Арыгiнальная ікона — самая маленькая з шануемых Багародзічных ікон. Яе памер — 5,6/4,4 см. Iкона ўяўляе сабой авальны кавалачак яшмы з рэльефнай выявай Багародзіцы з Дзіцяткам на руках. Паводле легенды, ікона была цудоўным чынам яўлена ў канцы XV стагоддзя ў лесе непадалёк ад мястэчка Жыровiчы на Гродзеншчыне.

Апошні раз копiя святынi была ў Гродне ў 2000 годзе, калі праводзіўся хрэсны ход з абласнога цэнтра ў Жыровічы.

Пакланіцца іконе ў Свята-Раства-Багародзіцкім манастыры можна будзе з 22 па 24 верасня з 7.00 да 20.30. 25 верасня святыня пакіне горад.

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

comments powered by HyperComments

Раім пачытаць

Каментары

Spelling error report

The following text will be sent to our editors: