Людзі і справы

Былы мэр Гродна стаў міністрам, а на «Азоце» новы дырэктар. Лукашэнка разглядзеў кадравыя пытанні

Прэзідэнт Беларусі Аляксандр Лукашэнка 14 верасня разглядзеў кадравыя пытанні, піша Белта. У выніку новыя партфелі атрымалі 16 чыноўнікаў. Сярод іншых ёсць і цікавыя для Гродна прызначэнні. Былы мэр Гродна, Андрэй Худык стаў міністрам прыродных рэсурсаў і навакольнага асяроддзя, а «Азот» атрымаў новага дырэктара. Ім стаў Ігар Бобыр.

Андрэй Худык нарадзіўся ў 1959 годзе ў Хмяльніцкай вобласці Украіны, скончыў Ленінградскі сельскагаспадарчы інстытут і Расійскую акадэмію дзяржаўнай службы, аднак кар’еру рабіў у Беларусі.

Пасля праходжання службы ў арміі ён працаваў у калгасах Іўеўскага раёна. У 1999 Худык узначаліў Браслаўскі харчовы камбінат, а з 2002 стаў чыноўнікам, прычым па кар’ернай лесвіцы ён рос бесперапынна. Спачатку Худык — першы намеснік старшыні Ваўкавыскага райвыканкама, потым старшыня Дзятлаўскага райвыканкама. Адтуль яго перавялі ў Лідскі райвыканкам, дзе ён правёў «Дажынкі» і наладзіў кантакты з літоўскімі інвестарамі.

У 2011 ён стаў намеснікам старшыні Гродзенскага аблвыканкама, а ў пачатку 2013 Лукашэнка прызначыў чыноўніка кіраўніком Гродна. На пасадзе старшыні гарвыканкама Худык пратрымалі крыху больш за год, пасля чаго забралі ў Мінск. З 2014 года да гэтага часу працаваў на пасадзе намесніка ўпраўляючага справамі Прэзідэнта Беларусі.

Ігар Бобыр нарадзіўся 13 кастрычніка 1964 года ў г. Ноўгарад-Северскі Чарнігаўскай вобласці ў сям'і рабочых. У 1989 годзе скончыў тэхналагічны факультэт Кіеўскага політэхнічнага інстытута. У перыяд вучобы ў інстытуце праходзіў службу ва Узброеных Сілах СССР у ГДР.

Пасля заканчэння інстытута атрымаў накіраванне на Гродзенскае вытворчае аб’яднанне «Хімвалакно» (цяпер — філіял «Завод Хімвалакно» ААТ «Гродна Азот»), дзе ў розныя гады працаваў інжынерам, інжынерам-канструктарам, вядучым інжынерам, намеснікам галоўнага механіка, начальнікам аддзела, начальнікам камерцыйнага кіравання, намеснікам дырэктара па камерцыйных і эканамічных пытаннях.

З 2012 года і па кастрычнік 2014 года працаваў намеснікам генеральнага дырэктара ААТ «Гродна Азот» — дырэктарам вытворча-тэхналагічнага комплексу «Хімвалакно».

З кастрычніка 2014 года і па цяперашні час быў намеснікам старшыні канцэрна «Белнафтахім».

Таксама Ігар Бобыр з’яўляецца дэпутатам Гродзенскага абласнога Савета дэпутатаў, дзе працуе ў пастаяннай камісіі па эканоміцы, бюджэце і фінансах.

Падзяліцца
Меткі: улады

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025