Дадаць навіну
Нядзеля, 25 лютага 2018, 05:53

На Аўгустоўскім канале памежнікі вылавілі «бязвізавага турыста» — паштовага голуба, які заблудзіўся

Незвычайны бязвізавы турыст перасёк беларуска-польскую мяжу спачатку па паветры, а потым па вадзе. У пункце пропуску «Лясная» на Аўгустоўскім канале супрацоўнікі мытнікі і памежнікі вылавілі паштовага голуба, які заблудзіўся. Некалькі дзён птушка не адыходзіла ад ратавальнікаў і нават начавала ў кабінеце. Зараз голуб аднаўляе сілы і лётае вакол пункта пропуску, перадае «Беларусь 1».

Галіна Ростальная, старшы інспектар Гродзенскай рэгіянальнай мытні: «Ён наогул быў цалкам мокры, нават на лапках не стаяў. Мы яго высушылі пад вентылятарам, захуталі. Ён высах, праз некалькі гадзін ужо пачаў есці. Першы час хадзіў, потым ужо пачаў лётаць».

«Высветліць асобу» птушынага турыста атрымалася па чыпам на лапках. Высветлілася, што акальцавалі голуба ў горадзе Мальборк, размешчаным на паўночным усходзе Польшчы. Уладальнік трэніраваў сваю зграю ў 200 кіламетрах ад хаты, і адзін з галубоў, страціўшы арыенціры, паляцеў у Беларусь. Пасля таго як птушка цалкам адновіць сілы, па словах яе гаспадара, яна сама вернецца дадому.

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

comments powered by HyperComments

Раім пачытаць

Каментары

Spelling error report

The following text will be sent to our editors: