Работы па рэканструкцыі былой гасцініцы «Гродна» плануецца пачаць да канца 2017 года. Пра гэта Hrodna.life распавёў містэр Фонг — прадстаўнік Гандлёва-прамысловай карпарацыі «Цюань Шэн» з правінцыі Ганьсу. Менавіта гэтая кітайская кампанія ў 2016 годзе выкупіла старую гасцініцу.
Гасцініцу «Гродна» прадалі з аўкцыёну за 3 млн долараў. Абноўлены аб’ект кітайцы плануюць запусціць у сакавіку 2020.
«Праект ужо гатовы, экспертыза дала дабро. Рэканструкцыя гасцініцы пачнецца ў 2017 годзе і будзе доўжыцца прыблізна 2−3 года, — распавядае спадар Фонг. — У будучыні яна будзе мець чатыры зоркі. Мы ведаем, што ў Гродне ўжо ёсць добрыя гасцініцы і новыя яшчэ з’явяцца бліжэйшым часам, але мы гатовыя да такой канкурэнцыі. Плануем у Гродзенскай вобласці зрабіць не толькі самы вялікі, але і самы лепшы гатэль».
Кітайская гасцініца ў Гродне, якая будзе адносіцца да сеткі гатэляў Echeng, будзе складацца з гасцінічнага комплексу і рэстарана. Таксама там з’явяцца офісы, канферэнц і трэнажорная залы. Большую частку супрацоўнікаў складуць беларусы, але не выключана, што там будуць працаваць і кітайцы.
«Нам падабаецца Беларусь, але кітайскіх інвестараў у гэтай краіне пакуль яшчэ мала і яны ўкладваюць сюды невялікія сродкі. У іншыя ж краіны значна больш. Асноўная прычына гэтага — законы і падаткі Беларусі. З гэтым мы яшчэ не вельмі пазнаёміліся. А так мы гатовыя заклікаць іншых бізнесменаў як у Гродна, так і ў Беларусь агулам. Але для многіх важна не толькі ўкладаць грошы ў бізнес, але і атрымліваць ад гэтага прыбытак. Беларусь прыцягвае тым, што яна вельмі добрая і вельмі бяспечная. I калі тут будзе менш падаткаў і будуць лепш законы для развіцця бізнесу, то гэта прыцягне сюды больш інвестараў», — дадаў містэр Фонг.
Гродзенскія пункты выдачы заказаў Wildberries і Ozon аказаліся перапоўнены падарункамі для жывёл. Гэта вынік Таемнага…
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…