На гродзенскім заводзе па ўтылізацыі і механічным сартаванні адходаў запушчана лінія па вытворчасці тратуарнай пліткі з адходаў поліэтылену. Такія адходы яшчэ нядаўна не адносіліся да другасных матэрыяльных рэсурсаў і вывозіліся на звалку. Гаворка ідзе пра забруджаныя поліэтыленавых пакеты, пакеты з-пад малака, тонкую пластыкавую плёнку і іншае, піша Портал коммунальной грамотности населения.

Аказваецца, дзякуючы сучасным тэхналогіям, нават гэтыя непрывабныя «хвасты» яшчэ могуць быць карыснымі. А ўтвараецца іх досыць шмат. На гродзенскім прадпрыемстве толькі за тры першыя месяцы работы сабрана каля 70 тон такой сыравіны, што прымусіла задумацца пра перспектывы яе выкарыстання. Забруджаны поліэтылен не вывозілі на палігон, а складавалі на адной з пляцовак завода, адначасова займаючыся пошукамі магчымых рашэнняў.

Тратуары з выкарыстаных пакетаў з'явяцца ў Гродне
Новая лінія
Закупленая ў Расеі лінія пакуль не мае аналагаў у Беларусі. Вытворчасць складаецца з чатырох этапаў.

Спачатку адходы здрабняюцца ў драбнілцы з атрыманнем шматкоў памерам 3−5 мм. Затым здробнены поліэтылен падаецца ў змяшальнік, дзе змешваецца з пяском у суадносінах 3:7. Гатовая маса паступае ў экструдар, дзе пад дзеяннем высокай тэмпературы ператвараецца ў падатлівую пасту. Гэтая паста парцыйна выціскаецца на прэс, дзе і фармуецца прадукт.

Плітка мае высокую трываласць і эстэтычнасць.

[irp posts="15 757″ name="Вместо свалки — на конвейер. Под Гродно начал работу завод по сортировке мусора"]

Першая партыя новай пліткі пратэставана на самім заводзе, для добраўпарадкавання тэрыторыі. У бліжэйшы час тут плануюць набыць яшчэ адну прэс-форму, каб прадукаваць газоны борт, «зялёныя» паркоўкі, некалькі узораў аздаблення падмурка.

Па словах дырэктара завода Вячаслава Андрэеўскага, недахопу ў сыравіне для лініі не будзе. Перапрацоўка «некандыцыйнага» поліэтылену дасць магчымасць не толькі знізіць нагрузку на палігон, але і палепшыць эканоміку прадпрыемства.

Тратуары з выкарыстаных пакетаў з'явяцца ў Гродне

У ліпені на заводзе сабралася 400 т другасных матэрыяльных рэсурсаў, хоць яшчэ ў маі аб’ёмы не перавышалі 220 т. Такая дынаміка звязана з актыўным удасканаленнем паасобнага збору адходаў у абласным цэнтры, дзе на працягу некалькіх месяцаў заварылі смеццеправоды і ўсталявалі 823 кантэйнерныя пляцоўкі.

Абслугоўваюць кантэйнеры больш за 50 сучасных смеццявозаў, закупленых ў рамках праекта за кошт сродкаў аазыкі Сусветнага банка рэканструкцыі і развіцця.

Тратуары з выкарыстаных пакетаў з'явяцца ў Гродне

Тратуары з выкарыстаных пакетаў з'явяцца ў Гродне

[irp posts="27 563″ name="Вид из окна на 24 мусорных контейнера: топ самых неудачных мест для мусорок в Гродно"]