Здароўе і спорт

Былы галоўны трэнер «Нёмана»: Паўліньё не было на праглядзе ў клубе!

Бразільскі футбаліст Жазэ Паўла Безера Масіэл Жуніёр (Паўліньё), які перайшоў з кітайскага клуба «Гуанчжоў Эвергранд» у іспанскую «Барселону» за 40 мільёнаў еўра, у 2007 годзе не быў на праглядзе ў гродзенскім «Нёмане», як паведамілі беларускія спартыўныя СМІ. Пра гэта заявіў БелаПАН галоўны трэнер маладзёжнай зборнай Беларусі Людас Румбуціс, які кіраваў у тым сезоне гродзенскай камандай.

«Лухту напісалі, брэд сівой кабылы, — сказаў Румбуціс. — І пры мне, і пасля мяне Паўліньё не было. Хтосьці з футбалістаў пусціў качку, і ўсе падхапілі. Я выдатна памятаю ўсіх бразільцаў, якія былі тады ў «Нёмане». Як толькі з’явілася гэтая «інфармацыя», я патэлефанаваў свайму памочніку Алегу Радушка, і мы адзін аднаму сказалі: «У нас што, амнезія?»

Па словах Румбуціса, ён бачыў Паўліньё ў 2006 годзе на матчы яго тагачаснага клуба «Вільнюс» супраць «Жальгірыса» ў чэмпіянаце Літвы. «Яму было 18 гадоў, гуляў на пазіцыі апорнага паўабаронцы. Я яшчэ здзівіўся, чаму ён не ў «Жальгірысе», — адзначыў трэнер.

Паўліньё гуляў за «Вільнюс» у сезоне-2006/2007. Затым у клуба паўсталі фінансавыя праблемы, і бразілец перайшоў у польскі «Лодзь», а потым на пяць гадоў з’ехаў гуляць на радзіму. У 2013 годзе ён падпісаў кантракт з англійскім «Тотэнхэмам», у 2015-м — з «Гуанчжоў». 14 жніўня гэтага года адбыўся трансфер гульца ў «Барселону». З 2011 года Паўліна прыцягваецца ў зборную Бразіліі.

Аб праглядзе Паўліньё ў «Нёмане» распавёў у 2014 годзе абаронца клуба Дзмітрый Раўнейка.

Падзяліцца
Меткі: спорт

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025