Горад

«Крывы дом» на Вялікай Траецкай чакае рэканструкцыя пад гасцініцу з броварам

На адзін закінуты будынак у цэнтры Гродна стане менш. Рэканструкцыя дома па вуліцы Вялікай Траецкай, 47 будзе доўжыцца да канца 2018 года. У будучыні там з’явіцца гасцініца з уласным броварам. За рэалізацыю праекта ўзялася арганізацыя «Чайный дом «ЧайКоффский».

Дом на Вялікай Траецкай, 47 доўгія гады быў занядбаны, хоць і з’яўляецца гісторыка-культурнай каштоўнасцю. Зносіць цi перабудоўваць яго інвестар не плануе, ды і па заканадаўству гэтага рабіць нельга. Праект прадугледжвае толькі дабудову да існуючай будыніны.

«Яшчэ ў 2012 годзе мы палічылі, што для нас гэты дом эканамічна выгадны, — распавялі ў «ЧайКоффском». — Прайшло некалькі гадоў і мы не адмовіліся ад сваёй ідэі. Паспрабуем яе рэалізаваць. Плануем за два гады пабудаваць гасцінічна-рэстаранны комплекс з уласным броварам і стаянкай. Магчыма, тэрміны трохі расцягнуцца, бо гэта складаны праект, які зараз знаходзіцца на дзяржэкспертызе».

Гасцiнiца будзе разлічана на 40 месцаў. Тут можна будзе скарыстацца паслугамі СПА, будзе працаваць рэстаранны комплекс на 100 месцаў, кафэ на 40 месцаў. Побач з гасцiнiцай будзе паркоўка на 28 машына-месцаў.

Даведка

Дом па вуліцы Вялікай Траецкай (некалі ён адносіўся да вуліцы Крывой) быў пабудаваны ў пачатку XX стагоддзя. Пабудова, хоць і закінутая на працягу многіх гадоў, здолела захаваць свой цікавы пачатковы выгляд. Галоўным упрыгожваннем «крывога» будынка было спалучэнне характэрнай гродзенскай цэглы з жоўтай гліны з чырвонымі ўстаўкамі над вокнамі і уваходам. У перыяд гітлераўскай акупацыі тут хаваліся вязні Гродзенскага гета. Пра гэта сведчыць дзённік, які быў знойдзены на руінах гета пасля вайны.

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025