Паўтары месяцы спатрэбілася гродзенцу Максіму Радзько, каб стварыць аналаг вядомай гульні «Манаполія» ў антуражы сучаснага Гродна. Першы тыраж настолкi ўжо прадаецца праз інтэрнэт, але ўжо хутка «Манаполія Гродна» з’явіцца і ў крамах горада.
У гульні гродзенцам будзе знаёма кожнае слова: Кляцкова, Дзевятоўка, Альшанка, мясцовыя бары і кафэ, фітнес-клубы, радыё «Гродна» і многае іншае. Правілы гульні такія ж, як і ў звычайнай «Манаполіі». У сваю гульню Максім вырашыў дадаць і невялікія сюрпрызы-жарты.
Ствараў гродзенец настолку ў вольны час, для яго гэта пакуль што хобі, але ў будучыні ён, магчыма, працягне працаваць у гэтым кірунку.
«Адзін мой знаёмы з Расіі стаў аўтарам гульні „Манаполія“ свайго горада. Яго гульня мяне зацікавіла. Тады ж я падумаў, што можна стварыць „Манаполію“ адмыслова пад Гродна. На стварэнне мясцовай гульні сышло прыкладна паўтара месяца. Цяжкасць паўстала толькі ў пошуку друкарні, якая б якасна надрукавала дэталі гульні. Пасля доўгіх пошукаў, мне ўдалося выйсці на мясцовую друкарню „Мастерпринт“, якая не падвяла і дапамагла зрабіць якасны прадукт», — распавёў Максім.
Першы тыраж гродзенскай «Манаполіі» — усяго 20 гульняў. Іх можна набыць праз інтэрнэт, цана 44 рублi.
"Пяльменная 1961" пачала працу на Савецкай, 23 у суботу, 22 лютага. Установа адкрылася на тым…
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…