Людзі і справы

Сустрэча стагоддзяў: у Гродне параўналі старыя і новыя ігральныя карты Лапіных

Прадпрымальнік Антон Янкоўскі, які разам з жонкай Настай займаецца адраджэннем гродзенскіх ігральных карт Лапіных, вырашыў параўнаць пробную прадукцыю з арыгіналам, які знаходзіцца ў музеі. Параўнанне паказала, што адноўленыя карты практычна ідэнтычныя старым — засталося толькі падкарэктаваць некаторыя моманты.

Новыя ігральныя карты практычна ствараліся з нуля, кожны асобнік старанна вымалёўваўся згодна з арыгіналам. Пасля дапрацоўкі тэставую калоду карт адправяць у друкарню. Пасля гэтага пачнецца масавы друк.

«Нядаўна нам даслалі чарговую пробную калоду карт, разам з ёй мы адправіліся ў гродзенскі музей, каб параўнаць з арыгіналам і паглядзець наколькі супадае колер і малюнкі. Па арыгіналу было прыкметна, што час сваё бярэ — карты пажоўклыя, а ў нас яркія і белыя. Засталося выправіць невялікія недахопы і можна запускаць у друк. Наш праект яшчэ можна падтрымаць на Талацэ».

Антон Янкоўскі параўноўвае новыя карты з арыгінальнай прадукцыяй фабрыкі Лапіных

«Беларускія» ці «гродзенскія»?

Некалькі дзён раней у сацыяльных сетках прайшла дыскусія пра тое, што ж трэба пісаць на каробцы з картамі: «беларускія» ці «гродзенскія». Меркаванні людзей падзяліліся.

«Над гэтым пытаннем мы цяпер працуем. Так, карты былі гродзенскія, бо выпускаліся ў польскім Гродне. Але з іншага боку, карты выпускаліся на тэрыторыі сучаснай Беларусі і ў мінулым на тэрыторыі Вялікага Княства Літоўскага. І ўсё гэта цяпер адносіцца да гісторыі Беларусі, і паколькі гэта ўнікальнасць, якой няма нідзе, мы хочам зрабіць акцэнт у назве менавіта на „беларускія“. Але мы гатовыя выслухаць меркаванне ўсіх».

Падтрымка як матэрыяльная, так і інфармацыйная

Калі ў інтэрнэце з’явілася інфармацыя аб адраджэнні старых ігральных карт Лапіных, да Антона пачалі звяртацца людзі, якія маюць інфармацыю па старой фабрыцы і па яе арыгінальнай прадукцыi.

«Археолаг Сяргей Піваварчык распавёў, што ў час раскопак на месцы былой фабрыкі Лапіных ён знайшоў некалькі арыгінальных карт. Самае цікавае, што сярод карт было поле для гульні, а таксама магчымая ўпакоўка для набору карт або плакат для крамаў. Арыгінальную прадукцыю гісторык нам перадаў і мы яе прадставім на прэзентацыі. Прыемна, што людзі не толькі матэрыяльна нас падтрымліваюць, але і інфармацыйна. Карыстаючыся выпадкам, мы звяртаемся да гараджан, у якiх можа ў хаце заляжалiся старыя карты. Паказвайце і прыносьце іх нам, пакуль ёсць час i магчымасць».

Падзяліцца

Апошнія запісы

Фільм на кітайскай раскажа пра Гродна і яго «інвестыцыйную прывабнасць»

Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…

28 красавіка 2025

У Гродне з’явіўся амерыканскі дэсерт — печыва з рознымі начыннямі

У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…

28 красавіка 2025

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025

Нерухомасць тыдня: у Гродне прадаюць дом з ажурным балконам за 60 метраў ад Нёмана

У Гродне на продаж выставілі дом на 2-м Падольным завулку - па суседстве з рэстаранам…

26 красавіка 2025

Школьнікі з Гродна трапілі пад прафілактыку за «зігаванне» і нацысцкую сімволіку

Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…

25 красавіка 2025

У Гродне правялі беларуска-польскі форум для бізнесменаў. Гаварылі пра важнасць Расіі

Дыялогавая пляцоўка для бізнесменаў з Беларусі і Польшчы прайшла ў Гродне 25 красавіка. Мясцовыя ўлады…

25 красавіка 2025