Здароўе і спорт

На гістарычны забег «Гарадзенская Вандроўка» зарэгістравалася больш за 200 чалавек

За тры дні да гістарычнага забегу «Гарадзенская Вандроўка» на яго зарэгістравалася 209 чалавек. Удзельнікі гэта спартсмены і аматары, якiя прадстаўляюць розныя гарады Беларусі, Літвы і Польшчы. На вуліцах Гродна пройдуць забегі на дыстанцыях 5 і 10 км. Найлепшыя акрамя медалёў атрымаюць і грашовыя прызы.

Гарадзенская Вандроўка 2017 — гэта новы фармат традыцыйнага Прабегу Міру, які мае 20-гадовую традыцыю правядзення. Раней забег праводзіўся ў Каложскім парку. Зараз арганізатары вырашылі ўсё істотна змяніць, уключаючы ўзносы, прызы, а таксама культурна-забаўляльную праграму.

Плануецца, што 28 мая ўсе ўдзельнікі забегу будуць стартаваць на плошчы Леніна, а пасля пабягуць па старых вуліцах Гродна.

Маршурт забегу такі: пл. Леніна — Савецкая — Кастрычніцкая — Карла Маркса — Будзёнага — Свярдлова — Сацыялістычная — Парыжскай Камуны — Давіда Гарадзенскага — Вялікая Траецкая — Віленская — Максіма Горкага — Дубко — Дзяржынскага — Астроўскага — Максіма Горкага — Дзяржынскага — пл. Леніна.

На вуліцы Віленскай (у раёне ЦСК Нёман) маршруты забегаў разыйдуцца. Удзельнікі забегу на 10 км пабягуць прама па вул. Горкага, а забег на дыстанцыі 5 км паверне на права ў бок плошчы Леніна, дзе і будзе знаходзіцца фініш.

На 25 мая на сайце рэгістрацыі ўдзельнікаў забегу «Гарадзенская Вандроўка», было пададзена 209 заявак. Ёсць верагоднасць, што многія прыедуць у Гродна і ў дзень забегу. Арганізатары чакаюць каля 300 удзельнікаў. Тыя, хто хоча далучыцца да старту «Гарадзенскай вандроўкi» павінен зарэгістравацца на сайце 42 195.by, аплаціць ўзнос і ў 11.00 у нядзелю 28 мая сустрэцца на плошчы Леніна, дзе прагучыць стартавы стрэл.

Зусім нядаўна стаў вядомы і прызавы фонд забегу:

Дыстанцыя 10 км абсалютны залік: 1 месца — 250 руб, 2 месца — 150 руб, 3 месца — 100 руб.
Прызавы фонд 10 км — ўзроставыя групы: 1 месца — 70 руб, 2 месца — 30 руб, 3 месца — 20 руб.
Прызавы фонд 5 км — ўзроставыя групы: 1 месца — 50 руб, 2 месца — 30 руб.

Арганізатары таксама паказалі і памятныя медалі, якія атрымаюць усе ўдзельнікі забегу. Медаль выканана ў выглядзе старадаўняй манеты, на аверсе якой размясціўся лагатып прабегу, а з адваротнага боку выява самага старажытнага збудавання ў Гродне — Каложскай царквы.

Падзяліцца

Апошнія запісы

У цэнтры Гродна закрылася крама спорттавараў, якая працавала больш за 30 гадоў

Гродзенцы звярнулі ўвагу, што з будынка па вуліцы Ажэшкі, 42 знікла шыльда «Спорттавары». Instagram-акаўнт крамы…

28 красавіка 2025

Фільм на кітайскай раскажа пра Гродна і яго «інвестыцыйную прывабнасць»

Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…

28 красавіка 2025

У Гродне з’явіўся амерыканскі дэсерт — печыва з рознымі начыннямі

У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…

28 красавіка 2025

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025

Нерухомасць тыдня: у Гродне прадаюць дом з ажурным балконам за 60 метраў ад Нёмана

У Гродне на продаж выставілі дом на 2-м Падольным завулку - па суседстве з рэстаранам…

26 красавіка 2025

Школьнікі з Гродна трапілі пад прафілактыку за «зігаванне» і нацысцкую сімволіку

Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…

25 красавіка 2025