Гродзенскі гастрабар аплачвае супрацоўнікам фітнес і басейн, каб яны кінулі паліць

Адправіць сваіх супрацоўнікаў на заняткі фітнесам вырашыў гастрабар Werden. Яго ўладальнікі, у мінулым жыхары Санкт-Пецярбурга, кажуць, што ў Расіі прадпрыемствы абавязаныя часткова аплачваць сваім супрацоўнікам заняткі спортам. У Беларусі такога абавязку няма, але ў Werden такім чынам вырашылі змагацца з курэннем.

Зараз супрацоўнікі гастрабара ходзяць у басейн і на фітнес, ёсць магчымасць запісацца яшчэ ў студыю танцаў Art Motion або ў трэнажорную залу.

— Сучасная кампанія павінна быць кампаніяй шчаслівых і паспяховых людзей. У маім уяўленні, заснаваным на жыццёвым вопыце, шчаслівы чалавек — гэта здаровы, захоплены чалавек, — кажа дырэктар гастрабара Уладзімір Шадурскі.

Бонус для тых, хто кінуў курыць

Супрацоўнікі, якія паляць, хадзіць у спартзалу за кошт гастрабара не змогуць — трэба кінуць. У гэтым і заключаецца сутнасць акцыі.

— Хто хоча паліць, таго не пераканаць і не прымусіць сілай. Але калі чалавек чакаў нейкай падставы, азарэння — то вось яно. Мы нікога не прымушаем адмаўляцца.

Высветлілася, што ў кампаніі паляць многія. Курэнне, лічаць кіраўнікі ўстановы, негатыўна ўплывае на якасць жыцця хоць бы таму, што на яго затрачваюцца грошы. А яны маглі б пайсці на больш карысныя рэчы.

— Мы можам аддаць супрацоўнікам бонус грашыма. Але мы выдадзім, а супрацоўнік яго выдаткуе на цыгарэты. Мы лічым, што здаровы лад жыцця станоўча ўплывае не толькі на саміх людзей, але і ў цэлым на паспяховасць бізнесу. Прыклад самых буйных кампаній кажа пра тое, што добры настрой і здароўе — гэта эфектыўна і звязана з прыбыткам, хай не наўпрост. Усім лепш працаваць у калектыве шчаслівых людзей, у якіх усё добра. Калі наша ідэя будзе неэфектыўная, мы можам спыніць праграму. Паглядзім, як усё складзецца.

Побач з барам з’явіцца велапаркоўка

У Беларусі практыка дарыць супрацоўнікам бясплатныя заняткі калі і існуе, то на добраахвотных пачатках, і арганізацыямі не афішуецца. У Расіі з пачатку 2015 года дзейнічае закон, які абавязвае аплачваць супрацоўнікам заняткі спортам. Праўда, пасля прынятых паправак, прадпрыемства пакрывае толькі 50% кошту (і 25% дзяржава), а супрацоўнік павінен мець стаж не менш трох гадоў.

У Вердэне хочуць і далей падтрымліваць тэндэнцыю здаровага ладу жыцця. Гастрабар хоча размясціць побач велапаркоўку і раздаваць бонусы тым, хто прыедзе на працу на двухколавы транспарце.

Падзяліцца

Апошнія запісы

У цэнтры Гродна закрылася крама спорттавараў, якая працавала больш за 30 гадоў

Гродзенцы звярнулі ўвагу, што з будынка па вуліцы Ажэшкі, 42 знікла шыльда «Спорттавары». Instagram-акаўнт крамы…

28 красавіка 2025

Фільм на кітайскай раскажа пра Гродна і яго «інвестыцыйную прывабнасць»

Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…

28 красавіка 2025

У Гродне з’явіўся амерыканскі дэсерт — печыва з рознымі начыннямі

У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…

28 красавіка 2025

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025

Нерухомасць тыдня: у Гродне прадаюць дом з ажурным балконам за 60 метраў ад Нёмана

У Гродне на продаж выставілі дом на 2-м Падольным завулку - па суседстве з рэстаранам…

26 красавіка 2025

Школьнікі з Гродна трапілі пад прафілактыку за «зігаванне» і нацысцкую сімволіку

Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…

25 красавіка 2025