tvn24.pl
Пытанне аб уключэнні чыгуначнага вакзала ў Гродне ў бязвізавую зону будуць вырашаць у бліжэйшы час, паведаміў журналістам намеснік прэм’ер-міністра Беларусі Анатоль Калінін, які 19 мая азнаёміўся з работай пункта пропуску «Лясная-Рудаўка» і развіццём інфраструктуры на Аўгустоўскім канале, перадае карэспандэнт БЕЛТА.
Адным з актуальных пытанняў развіцця бязвізавага руху на тэрыторыі турысцка-рэкрэацыйнага парку «Аўгустоўскі канал» (з Гродна), з’яўляецца пашырэнне транспартнай даступнасці бязвізавай зоны праз чыгуначны пункт пропуску «Гродна-Кузніца Беластоцкая». Ён не быў уключаны ва ўказ № 318 па прычыне адсутнасці чыгуначных зносін з Польшчай на момант яго падрыхтоўкі. Аднак пасля чыгуначныя зносіны аднавілася, запушчаны цягнік Гродна — Кракаў, на якім прыбываюць шматлікія турысты.
«Як куратар транспартнай галіны не бачу ніякіх праблем, каб унесці ўзгодненае рашэнне на карэктывы да кіраўніка дзяржавы. Гэтае пытанне неабходна вырашыць у бліжэйшы час, ужо на наступным тыдні правядзем нараду ва ўрадзе пры ўдзеле неабходных міністэрстваў, іншых зацікаўленых службаў для таго, каб максімальна хутка вырашыць моманты, якія стрымліваюць турыстычны паток у парк «Аўгустоўскі канал», — адзначыў Анатоль Калінін.
[irp posts="22 600″ name="Чаго не хапае бязвізавым турыстам: 7 заўваг ад гродзенскіх экскурсаводаў"]
Сярод іншых пытанняў - адкрыццё пункта пропуску «Сафіева-Ліпчаны» на мяжы з Польшчай і «Кадыш-Капчамесціс» — з Літвой, будаўніцтва інфраструктуры ў водным пункце пропуску «Прывалка-Швендубрэ».
Неабходна таксама ўнесці змены ў міжурадавыя пагадненні для арганізацыі трансгранічнага суднаходства праз пункты пропуску «Лясная-Рудаўка» і «Прывалка- Швендубрэ».
«Мы пераканаліся ў перавагах, якія даў указ № 318 аб бязвізавым уездзе, і нашы грамадзяне, і сусветнае грамадства ацанілі яго як вельмі станоўчы момант для пашырэння супрацоўніцтва. Ацэнкай прадпрынятых дзеянняў стала павелічэнне ўязнога турызму ў Беларусь, таму, на мой погляд, гэты нарматыўны дакумент павінен быць прадоўжаны», — адзначыў віцэ-прэм'ер.
Указ № 318, які дае права замежным турыстам наведваць без віз тэрыторыю спецыяльнага турысцка-рэкрэацыйнага парку «Аўгустоўскі канал», уступіў у сілу 26 кастрычніка. Дакумент прадугледжвае магчымасць бязвізавага ўезду тэрмінам на пяць сутак на тэрыторыю парку і ў прылеглыя населеныя пункты Гродзенскага раёна і горад Гродна.
За час дзеяння ўказа магчымасцю скарысталіся каля 14 тыс. турыстаў больш чым з 50 краін.
У акцыях на 9 траўня, прысвечаных святкаванню 80-годдзя перамогі, вырашылі задзейнічаць жывёл. Сабаку па мянушцы…
Супрацоўнікі "Гродназелянбуда" ўжо ўпрыгожваюць аркі на Савецкай кветкамі. У сацсетках з'яўляецца ўсё больш відэа з…
У траўні на даху комплексу «Бровар Гродна» з'явіўся флюгер. Пры рэстаўрацыі гродзенскага піўзавода інвестару было…
Гродзенскі краязнаўца Аляксандр Перагудаў знайшоў у расійскіх фондах шэраг малавядомых здымкаў Гродна часоў Першай сусветнай…
У траўні беларусы сталі актыўна абмяркоўваць знікненне бульбы з паліц у крамах. Звярнулі ўвагу і…
Гарадское і сельскае насельніцтва Беларусі скарачаецца. Згодна з Белстатам, у Гродне і Лідзе сітуацыя выглядае…