Шпіталі Гродзеншчыны і Падляшша разам змагаюцца за еўрапейскія грошы

Упраўленне аховы здароўя Гродзенскага аблвыканкама 17 мая падпісала пагадненне з Медычным універсітэтам у Беластоку. Яны разам паспрабуюць атрымаць фінансаванне Еўрасаюза на пакупку апаратуры і даследаванні, інфармуе bialystokonline.pl.

Падляшша і Гродзеншчына ўдзельнічаюць у конкурсе ў межах праграмы трансгранічнага супрацоўніцтва Польшча-Беларусь-Украіна 2014−2020. Шэсць падляшскіх устаноў аховы здароўя разам з беларускімі партнёрамі падалі папярэднія варыянты праектаў, якія былі пазітыўна ацэненыя і прайшлі ў другі этап конкурса. На сустрэчы 17 мая, акрамя падпісання дамовы, партнёры таксама дапрацоўвалі дэталі праектаў. Падаць дэталізаваныя заявы трэба будзе ў чэрвені.

Дамову падпісвалі начальнік упраўлення аховы здароўя Гродзенскага аблвыканкама Андрэй Стрыжак і прафесар Марцін Манюшка, прарэктар Медуніверсітэта ў Беластоку. Фота: Dorota Mariańska, bialystokonline.pl
Еўрапейскія грошы на супольныя праекты хочуць атрымаць: з беларускага боку — абласны клінічны шпіталь, перынатальны цэнтр, бальніца хуткай дапамогі, «Псіхіятрыя-наркалогія» і гарадскія станцыі хуткай дапамогі, а з польскага боку — шпіталі ў Беластоку, Ломжы і Сувалках, псіхіятрычны шпіталь у Харошчы, хуткая дапамога з Беластоку і Ломжы.

Як піша rynekzdrowia.pl, бальніцы хочуць, між іншым, купіць лапараскапічнае абсталяванне для аддзяленняў уралогіі і неанатальнай інтэнсіўнай тэрапіі. У планах таксама даследаванні, навучанне першай дапамозе, праграмы прафілактыкі раку, змаганне з астэапарозам. Адзін з элементаў планаванага супрацоўніцтва — паляпшэнне якасці псіхіятрычнай дапамогі.

Па словах прарэктара Медуніверсітэта ў Беластоку Марціна Манюшкі, псіхіятрыя і анкалогія гэта сферы, у якіх Гродна і Беласток супрацоўнічаюць шмат гадоў. У беластоцкім універсітэце шмат студэнтаў і аспірантаў з Беларусі, якія дасягаюць навуковых поспехаў.

Беларускі бок спадзяецца, што ў межах супрацоўніцтва атрымаецца арганізоўваюць навуковыя семінары і канферэнцыі, абмен супрацоўнікамі і іх навучанне.

Падзяліцца

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025