Спадчына

Не толькі паглядзець, але і паслухаць. У сінагозе адкрылася выстава «Трасцянец: гісторыя і памяць»

Выставу «Трасцянец: гісторыя і памяць», створаную ў Германіі сумеснымі намаганнямі нямецкіх і беларускіх даследчыкаў, адкрылі ў гродзенскай сінагозе ў аўторак 16 мая. На выставе прадстаўлены архіўныя дакументы, асабістыя гісторыі і ўспаміны вязняў аднаго з найбуйнейшых у Еўропе лагераў смерці, створанага нацыстамі на тэрыторыі Беларусі.

У адкрыцці прынялі ўдзел прадстаўнікі пасольства Германіі ў Беларусі, прадстаўнікі рэлігійных абшчын, студэнты. Арганізатары мерапрыемства ў Гродне выступілі: «Мінскі міжнародны адукацыйны цэнтр ім. Й.Рау», Гімназія № 1 ім. акадэміка Я.Ф. Карскага г. Гродна і Асацыяцыя іудзейска-хрысціянскага дыялогу «Шомэр-інтэрнэшнл».

Экспазіцыя складаецца з 12 модуляў, яна створана па ініцыятыве Дортмундскага і Мінскага міжнародных адукацыйных цэнтраў, фонду «Помнік забітым яўрэям Еўропы» пры фінансавай падтрымцы Федэральнага Міністэрства замежных спраў Германіі і фонду «Памяць, адказнасць і будучыня», а таксама пры непасрэдным удзеле Беларускага дзяржаўнага музея гісторыі Вялікай айчыннай вайны.

Адметна тое, што выставу можна не толькі паглядзець, але i паслухаць: тут прадстаўлены аўдыёзапісы успамінаў відавочцаў і вязняў лагера смерці Трасцянец.

«Выстава была дагэтуль толькі ў Мінску, так што Гродна стаў першым горадам з абласных цэнтраў дзе яе паказваюць. Праз біяграфічныя партрэты ахвяр мы хочам распавесці пра лагер смерці, але ніяк не праз жудасныя лічбы. Такі падыход дазваляе больш адчуць спецыфіку месцаў знішчэння» , — распавёў адзін са стваральнікаў экспазіцыі Аляксандр Далгоўскi.

Выставу можна будзе пабачыць да 10 чэрвеня.

Даведка

Лагер смерці Малы Трасцянец быў створаны нацыстамі ў ваколіцах акупаванага Мінска восенню 1941 года. Гэта назва аб’ядноўвала тры часткі інфраструктуры знішчэння: уласна лагер пад вёскай Малы Трасцянец, расстрэльны палігон ва ўрочышчы Благаўшчына і месца пахавання ва ўрочышчы Шашкоўка, абсталяванае крэматорыем. За два гады на палігонах Трасцянца было знішчана каля 206 000 чалавек — яўрэяў, цыган, палонных чырвонаармейцаў і партызан. Сюды звозілі людзей з усёй Усходняй Еўропы.

Падзяліцца

Апошнія запісы

Фільм на кітайскай раскажа пра Гродна і яго «інвестыцыйную прывабнасць»

Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…

28 красавіка 2025

У Гродне з’явіўся амерыканскі дэсерт — печыва з рознымі начыннямі

У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…

28 красавіка 2025

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025

Нерухомасць тыдня: у Гродне прадаюць дом з ажурным балконам за 60 метраў ад Нёмана

У Гродне на продаж выставілі дом на 2-м Падольным завулку - па суседстве з рэстаранам…

26 красавіка 2025

Школьнікі з Гродна трапілі пад прафілактыку за «зігаванне» і нацысцкую сімволіку

Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…

25 красавіка 2025

У Гродне правялі беларуска-польскі форум для бізнесменаў. Гаварылі пра важнасць Расіі

Дыялогавая пляцоўка для бізнесменаў з Беларусі і Польшчы прайшла ў Гродне 25 красавіка. Мясцовыя ўлады…

25 красавіка 2025