На БелАЭС у Астраўцы прайшлі антытэрарыстычныя вучэнні

27 красавіка 2017 года на тэрыторыі будаўнічай пляцоўкі Беларускай АЭС быў праведзены комплекс мерапрыемстваў па рэагаванні на магчымыя пагрозы тэрарыстычнага характару. Былі задзейнічаны падраздзяленні КДБ, МУС, Памежнага камітэту, МНС і іншых дзяржаўных органаў, інфармуе прэс-служба КДБ.

Гэта было адно з планавых мерапрыемстваў у сферы бяспекі станцыі.

Асноўнай мэтай вучэнняў бола забеспячэнне гатоўнасці сіл і сродкаў дзяржаўных органаў да рэалізацыі першачарговых і наступных мерапрыемстваў рэагавання на акты тэрарызму ў дачыненні да АЭС.

Літоўцы не вераць у бяспеку БелАЭС

Кіраўнік літоўскага аператара ліній электраперадачы Litgrid Дайвіс Вірбіцкас лічыць, што АЭС у Астраўцы нельга назваць бяспечнай. Яго словы цытуе Delfi паводле BNS.

Успамінаючы катастрофу на Чарнобыльскай АЭС ва Украіне, Вірбіцкас звярнуў увагу на тое, што гэтую станцыю будавала таксама дзяржава — Расія, чыя дзяржкарпарацыя «Расатам» будуе БелАЭС.

«У нас быў прыклад таго, што можа здарыцца на атамнай станцыі. Як бы не было шкада, але гэта здарылася з АЭС гэтай краіны, якая цяпер будуецца ў Астраўцы, так дайце мне хоць бы адну прычыну, чаму я павінен верыць у поспех больш, чым у няўдачу? «, — сказаў Вірбіцкас.

На мінулым тыдні сойм Літвы прыняў закон аб прыняцці неабходных мер для абароны ад пагроз, што прадстаўляюць небяспечныя АЭС трэціх краін. Небяспечнай будзе названа АЭС, пры будаўніцтве якой і працы не выконваюцца патрабаванні экалагічнай, атамнай, радыяцыйнай бяспекі, парушаюцца міжнародныя пагадненні і канвенцыі, якая з-за геаграфічнага становішча і тэхналагічных асаблівасцяў ўяўляе пагрозу нацыянальнай бяспецы Літвы, навакольнаму асяроддзю і грамадскаму здароўю.

У чэрвені мінулага года ўрад Літвы ўхваліў план эмбарга электраэнергіі вырабленай на БелАЭС і ў іншых трэціх краінах, па якім яе імпарт у Літву і адначасова ў іншыя краіны ЕС, будзе абмяжоўвацца на таргах у літоўскай зоне біржы Nord Pool. Нядаўна Польшча заявіла, што далучыцца да гэтай ініцыятывы Літвы.

АЭС у Астраўцы будуе расійская дзяржкарпарацыя ядзернай электраэнергіі «Расатам», праект фінансуецца расейскім урадам. Станцыя будуецца ўсяго ў 20 км ад беларуска-літоўскай мяжы і за 50 км ад сталіцы Літвы — Вільні.

Літоўскі ўрад лічыць, што БелАЭС будуецца ў парушэнне правілаў бяспекі, ён таксама турбуецца аб тым, што станцыя можа ўскладніць сінхранізацыю ЛЭП Балтыйскіх краін з Заходняй Еўропай.

Беларусь жа сцвярджае, што станцыя будуецца пры выкананні патрабаванняў бяспекі. На БелАЭС будзе абсталявана два рэактары магутнасцю 1200 мегават кожны. Першы рэактар ​​плануецца ўвесці ў эксплуатацыю у 2019 годзе, а другі - у 2020.