Першы міжнародны матч у новым сезоне футбалісты «Варвараў» правядуць у Кіеве ў суботу 29 красавіка. Каманда Аляксея Серабракова будзе сустракацца з кіеўскім «Рэбэлз». Што чакаць ад гульні украінцаў, гродзенцы пакуль не ведаюць, будуць знаёміцца з супернікам па ходзе гульні.
У Кіеў з Гродна адправіцца цэлы аўтобус: 30 гульцоў і 15 заўзятараў. Выезд камандзе абыйдзецца 700 еўра.
Нягледзячы на маладосць украінскай каманды, у іх вельмі дасведчаны трэнерскі штаб і яны ўмацаваліся гульцамі з іншых каманд, так што лёгкай прагулкі ў «Варвараў» у Кіеве дакладна не будзе. Але гродзенцы настроены на перамогу ў матчы, бо плануюць замацаваць за сабой першы радок у дывізіёне.
«На выезд едзе добры склад, амаль палова пачаткоўцы, але ўсё ж гэта значна лепш, чым адпраўляцца на выязную гульню ў 12 чалавек, як гэта было ў мінулым годзе ў Калінінградзе. Бачная праца праведзеная ў міжсезонне. На жаль, паўнавартасна падрыхтавацца да суперніка не атрымалася, бо няма ніякіх відэаматэрыялаў з іх гульняў. Тактычны гэта ход або запісы гульняў ва Украіне не вядуць, я не ведаю. Будзем падстройвацца пад суперніка ўжо па ходзе гульні. Едзем адназначна за перамогай», — сказаў трэнер «Варвараў» Аляксей Серабракоў.
Матч паміж супернікамі пройдзе ў суботу 29 красавіка ў 14.00.
[irp posts="18 687″ name=" Варвары" пачалі новы сезон з перамогі над мінскімі «Ласямі""]
Гродзенцы звярнулі ўвагу, што з будынка па вуліцы Ажэшкі, 42 знікла шыльда «Спорттавары». Instagram-акаўнт крамы…
Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…
У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…
Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…
У Гродне на продаж выставілі дом на 2-м Падольным завулку - па суседстве з рэстаранам…
Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…