Горад

Больш за 500 чалавек прыме ўдзел у «Адкрытым Кубку Гродна» па спартовым арыентаванні

З 20 па 25 красавіка ў ваколіцах Гродна пройдзе ў чарговы «Адкрыты Кубак Гродна» па спартовым арыентаванні. Сёлета ён юбілейны — 40-ы. Спаборніцтвы збіраюць шмат спартоўцаў i аматараў з Беларусi і замежжа. У гэтым годзе ўпершыню прыедуць прадстаўнiкi з Нарвегii i Фiнляндыi.

Кожны год арганізатары прапануюць удзельнікам нешта новае і гэты раз не выключэнне. На працягу шасці дзён у спартсменаў і аматараў будзе тры самастойных залікі.

«Мы плануем, што ў гэтым годзе ўдзельнікаў будзе больш за 500, гэта крыху менш, чым у 2016 годзе. На гэта паўплывала шмат фактараў, як эканамічных, так і іншых. Ды і з-за ранняй вясны ў Беларусі ўжо былі старты і людзі проста не могуць ўсюды ездзіць. Ёсць і станоўчыя моманты: бязвізавы ўезд даў магчымасць паўдзельнічаць некаторым замежнікам: упершыню прыедуць госці з Нарвегіі і Фінляндыі», — адзначыў дырэктар спаборніцтваў Эдвард Ародзь.

www.youtube.com/watch?v=_Gtt8aAfs-c

Першы дзень удзельнікі правядуць у «Прыгодзічах», у непасрэднай блізкасці геалагічных помнікаў прыроды. У другі дзень удзельнікі адправяцца ў парк актыўнага адпачынку «Каробчыцкi Алімп», у ваколіцах якога і пройдзе гэты дзень спаборніцтваў.

Далей пачнуцца тры дні асноўнага заліку. Там яны змогуць зарабіць ачкі не толькі ў залік «Кубка Беларускай федэрацыі арыентавання», але і набраць балы ў сусветным рэйтынгу — 23 і 24 красавіка пройдуць пад эгідай Міжнароднай федэрацыі арыентавання (IOF WRE).

Кожны дзень спартсменаў чакае абсалютна новая карта: 22 красавіка — возера Саннiкi, 23 красавіка — Аўгустоўскі канал, 24 красавіка — Скідзельскі рынак. За праходжаннем дыстанцыі ўдзельнікамі можна будзе сачыць анлайн з дапамогай GPS-трансляцыі. Пераможцы будуць вызначаныя па суме трох дзён спаборніцтваў. Асобны прызавы фонд у памеры 1000 рублёў чакае прызёраў двух этапаў сусветнага рэйтынгу.

У апошні дзень спаборніцтваў 25 красавіка пройдзе гонка чэмпіёнаў. На карце «Навасёлкі» вызначацца наймацнейшыя па агульным заліку, гэта значыць пераможцам у гэты дзень можа стаць любы ўдзельнiк.

Арганізатары спаборніцтваў: аддзелы фізічнай культуры, спорту і турызму Гродзенскага гарвыканкама і аблвыканкама, Беларуская федэрацыя арыентавання, клуб спартыўнага арыентавання «Кронан» і Гродзенскі ўніверсітэт імя Янкі Купалы.

Падзяліцца
Меткі: спорт

Апошнія запісы

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025

У Беларусі распрацуюць экскурсію па храмах і могілках Воранаўшчыны

У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…

23 красавіка 2025

Дом быту ў Гродне прадалі на аўкцыёне з пятай спробы

Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…

22 красавіка 2025