Старадаўні гадзіннік і падзямелле касцёла ў Гродне плануюць адкрыць для турыстаў

Старадаўні гадзіннік і падзямелле касцёла ў Гродне плануюць адкрыць для турыстаў. Пра гэта паведаміў старшыня Гродзенскага аблвыканкама Уладзімір Краўцоў, перадае БЕЛТА.

«Кожны ведае пра знакаміты старадаўні гадзіннік на Фарным касцёле. Тыя, каму ўдалося падняцца па лесвіцы і азнаёміцца з механізмам, застаюцца пад вялікім уражаннем, але пакуль гэта даступна нешматлікім. Цяпер прапрацоўваецца пытанне,
каб зрабіць магчымай такую ўнікальную экскурсію для шырокай публікі. Яшчэ адзін цікавы аб’ект — падзямелле брыгіцкага касцёла, там размешчана цэлая галерэя каштоўных прац, разам з касцёлам падумаем, як зрабіць даступнай яе ўсім турыстаам», — распавёў ён.

[irp posts="10 626″ name=" Стан лепш, чым чакалі". Першы этап рэстаўрацыі лямуса паспяхова завершаны"]

Паблізу гэтага касцёла ёсць таксама старадаўні лямус, пабудаваны без адзінага цвіка. У гэтым годзе польскія спецыялісты плануюць завяршыць яго рэстаўрацыю. Цікавыя аб’екты з’явяцца каля Аўгустоўскага канала. «Ёсць цэлая канцэпцыя па развіцці гарпасёлка Сапоцкін як уязной брамы канала, там адкрыецца музей, будуць устаноўлены рэкламныя шчыты. Недалёка размешчаны палацава-паркавы комплекс «Свяцк», дзе пачаліся актыўныя работы па пераўтварэнні былога княскага маёнтка ў турыстычны аздараўленча-забаўляльны аб’ект з музеем.

Яшчэ адно ўнікальнае месца па дарозе на Аўгустоўскі канал — маёнтак Радзівілкі, якое ўладкоўвае бізнесмен. На самім канале ўвесь цёплы сезон па выхадных будуць праходзіць культурныя, спартыўныя, забаўляльныя мерапрыемствы. Праграма распрацавана да канца лета так, каб не парушыць і прыродную прыгажосць, і каштоўнасць месца", — дадаў губернатар.

Ён падкрэсліў, што з пачаткам бязвізавага руху турыстычная сфера паслуг у рэгіёне развіваецца ўсё больш актыўна. Прыходзяць інвестары, заключаны чатыры дамовы на стварэнне гасцініц. Гэта падштурхоўвае развівацца малы бізнес, прадпрымальнікаў у турыстычнай сфере.