Гродзенскі гарвыканкам запрасіў прадстаўнікоў дэмакратычнага руху на круглы стол па Дэкрэце № 3

Актывісты дэмакратычнага руху атрымалі запрашэнне ад гарадскога выканаўчага камітэта прыняць удзел у круглым стале, прысвечаным прэзідэнцкаму дэкрэту № 3 «аб папярэджанні сацыяльнага ўтрыманства», які павінен адбыцца 10 сакавіка. Ініцыятыва мясцовай уладнай вертыкалі выклікала здзіўленне і пэўны недавер сярод грамадскіх актывістаў, піша «Гарадзенская вясна».

Старшыня Гродзенскай арганізацыі партыі БНФ Вадзім Саранчукоў, каментуючы дадзеную сітуацыю, адзначыў:

«На сёняшні дзень мы маем пэўны прэцэдэнт. Раней мясцовая вертыкаль не абмяркоўвала пытанні сацыяльна-эканамічнага і культурніцкага жыцця з прадстаўнікамі дэмакратычнай супольнасці. Таму гэта, па меншай меры, выклікае здзіўленне і шмат пытанняў.

Сустрэча дэмакратычных актывістаў Гродна
Сёння гэтую прапанову мы абмеркавалі з усімі тымі, каго ўлады шляхам тэлефанавання запрасілі на гэтую сустрэчу і выпрацавалі адзіную пазіцыю паводзінаў, а менавіта ўзгаднілі асноўныя патрабаванні да мясцовай вертыкалі, якія складаюцца з чатырох пунктаў: першае — адмяніць фактычную забарону мірных сходаў, мітынгаў і шэсцяў, уведзеную ў нашым горадзе з канца 90-ых гадоў. Права, гарантаванае грамадзянам Канстытуцыяй Рэспублікі Беларусь, нахабным чынам парушаецца, кожная наша заяўка, на будзь якое мерапрыемства, паводле мясцовай улады не адпавядае дзеючаму заканадаўству каля 17 год.

Адсюль вынікаюць рэпрэсіі затрыманні, арышты і штрафы. Спыніць рэпрэсіі супраць іншадумцаў. Апошняя сітуацыя, калі людзі выйшлі 19 лютага супраць прэзідэнкага дэкрэта № 3, на іх былі складзены пратаколы — гэта зноў суды, зноў штрафы, Такія дзеянні недапушчальныя.

Па-трэцяе, каб гарадскі Савет згодна прэзідэнцкаму дэкрэту № 1 ад 17 студзеня 2017 года вызваліў гродзенцаў ад грашовага збору паводле дэкрэта № 3. І апошняе, з чым мы будзем выступаць, гэта каб гродзенскія ўлады звярнуліся ў адміністрацыю прэзідэнта з ініцыятывай адмены антыканстытуцыйнага дакумента прэзідэнцкага дэкрэта № 3. Наша пазіцыя ўзгодненая і адзіная. Ці будзе гэта сапраўды круглы стол, ці будзе ўлічана пазіцыя прадстаўнікоў грамадскасці, заўтра пабачым".

9 сакавіка стала вядома, што дзянне прэзідэнцкага дэкрэта № 3 прыпыненае да канца бягучага года. Відаць, улады хочуць збіць хвалю пратэстаў супраць гэтага дакумента.

Падзяліцца
Меткі: палітыка

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025