Горад

«Прыехаць і памаліцца — гэта цуд». Англійскія школьнікі наведалі Гродна і ўшанавалі памяць мясцовых яўрэяў

Група яўрэйскіх школьнікаў з Лондана наведала Гродна ў аўторак 21 лютага. Асноўная мэта паездкі - наведаць значныя для яўрэяў месцы. Для кагосцi з групы прыезд на Гродзеншчыну быў не толькі ўшанаваннем памяцi вядомых мудрацоў, але і наведваннем радзімы сваіх продкаў.

У Гродне з самай раніцы госці наведалі сінагогу, дзе правялі заняткі і памаліліся з мясцовым рабінам Іцхакам Кофманам. Пасля група адправілася на яўрэйскія могілкі ў Пышкі, дзе наведала магілы вядомых мудрацоў, а таксама правяла малітву.

«Прыехаць у Гродна і памаліцца — гэта цуд. Нашым групам не заўсёды атрымоўваецца наведаць гэты слаўны горад, а ў гэты раз усё атрымалася. Мы ведаем, што да вайны ў Гродне была вялікая яўрэйская абшчына, імёны выхадцаў з гэтага города вядомыя ва ўсім свеце.

У гэтым годзе мы прывезлі ў Беларусь невялікую групу школьнікаў з Лондана. Згодна традыцыі кожны год старэйшыя класы ездзяць у паездкі па памятных месцах нашага народа. Для іх гэта вельмі пазнавальная паездка. Шмат хто з гэтых хлопцаў у будучыні плануе паступаць у Кембрыдж, Оксфард і іншыя вядомыя універсітэты. Для іх ведаць гісторыю свайго народа вельмі важна», — распавёў гiд групы Элі Шраер.

Амаль для ўсёй групы гэта першы прыезд у Беларусь. Рабін Рувiн Рош, які ўзначальвае групу, адзначыў, што ў Гродне ў пачатку XX стагоддзя жылі яго сваякі, але пасля эмігравалі.

«Мой прадзед родам з Гродна і я першы хто з яго ўнукаў і праўнукаў наведаў гэты горад. Яшчэ год таму я не мог сабе ўявіць, што прыеду сюды. Але ўсё змянілася. Шкада, што толькі на некалькі гадзін прыехалi, але хочацца верыць, што я яшчэ сюды вярнуся, бо яшчэ не ведаю дзе пахаваны мой прапрадзед».

Пасля Гродна група адправілася ў Радунь, Валожын і Мір. Далей англічане працягнуць экскурсію ў Літве. Вярнуўшыся дадому, школьнікі павінны будуць падрыхтаваць матэрыялы пра падарожжа па памятных мясцінах iх народу.

Падзяліцца

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025