«Гроднагандальмаш» трапіў у спіс 19 прадпрыемстваў, акцыі якіх выстаўлены ў 2017 годзе на продаж. Пры гэтым гродзенскі завод прапануецца прыватызаваць, набыўшы цалкам увесь пакет акцый, што належаць дзяржаве. Абвестка з’явілася на сайце Міністэрства прамысловасці.
Гродзенскі завод гандлёвага машынабудавання існуе ад 1960 года і спецыялізуецца на выпуску тэхналагічнага абсталявання і запасных частак да яго для прадпрыемстваў гандлю і грамадскага харчавання.
Сярод найбольш пазнавальных тавараў яго вытворчасці - прамысловыя посудамыечныя машыны, электрычныя воданагравальнікі, электранасосы ды іншае.
За савецкім часам завод быў часткай Маскоўскага навукова-даследчага інстытута гандлёвага машынабудавання (ВНИИ Торгмаш), пасля распаду Саюза перададзены ва ўласнасць Рэспублікі Беларусь і ператвораны ў адкрытае акцыянернае таварыства. Сайт прадпрыемста піша пра наяўнасць сучаснага абсталявання і вялікага досведу ў тэхналогіях металаапрацоўкі.
Таксама ва ўласнасці завода ёсць сталовая на 150 месцаў і інтэрнат на 380 койка-месцаў для супрацоўнікаў. Зараз тут працуе працуюць каля 300 чалавек.
Меркаваным пакупнікам акцый завода варта ўзяць пад увагу, што летась «Гродзенская праўда» паведамляла аб тым, што згодна з планам рэгенерацыйнай застройкай гістарычнага цэнтра Гродна і падаўжэннем вуліцы Астроўскага да вуліцы Будзёнага прадугледжваецца максімальна скарыстаць азначаную тэрыторыю для жылой забудовы.
Архітэктары тлумачылі, што размешчаныя тут прамысловыя прадпрыемствы, у пералік каторых патрапіў і «Гродноторгмаш», плануецца ўбраць, а будынкі перапрафіляваць пад грамадскае прызначэнне. Частку карпусоў завода збіраюцца знесці, на месцы іншых зрабіць шматузроўневы паркінг.
У найбліжэйшыя месяцы ў Поразаве плануюць адкрыць Дом банкухі. Тут можна будзе паўдзельнічаць у майстар-класе…
Міліцыя Гродна адпраўляе адбыўшых пакаранне на працы ў Гродзенскую агароднінную фабрыку. Зараз на ўліку ў…
На Дзевятоўцы прадаюць трохпакаёвую кватэру на апошнім паверсе 16-павярховага дома. Акрамя шыкоўнага выгляду на палі…
У акцыях на 9 траўня, прысвечаных святкаванню 80-годдзя перамогі, вырашылі задзейнічаць жывёл. Сабаку па мянушцы…
Супрацоўнікі "Гродназелянбуда" ўжо ўпрыгожваюць аркі на Савецкай кветкамі. У сацсетках з'яўляецца ўсё больш відэа з…
У траўні на даху комплексу «Бровар Гродна» з'явіўся флюгер. Пры рэстаўрацыі гродзенскага піўзавода інвестару было…