Здароўе і спорт

«Надвор'е ўнесла карэктывы». У Гродне прайшоў «Зімовы Кубак» па картынгу

Праз тры гады ў Гродна вярнуўся «Зімовы Кубак» па картынгу. Пазмагацца за званне мацнейшага 21 студзеня сюды з’ехалася больш за 30 спартсменаў з розных гарадоў Беларусі.

Пляцоўку для спаборніцтваў, якая знаходзіцца на базе пракатнага картынгу «Віраж», рыхтавалі на працягу двух тыдняў: завозілі снег, палівалі вадой.

У дзень спаборніцтваў была плюсавая тэмпература і здавалася, што гонка будзе сапсаванай. Але не: хуткасная язда па снезе даставіла задавальненне не толькі гледачам, але і некаторым гоншчыкам.

Спаборніцтвы праходзілі па трэкавай схеме. У кожным заездзе стартавалі па чатыры ўдзельнікі. Усе гоншчыкі дэманстравалі экстрэмальную язду ў заносе з шматлікімі разваротамі.

Адзін з арганізатараў спаборніцтваў гродзенскі гоншчык Аляксандр Гедрэвіч распавёў Hrodna.life, што надвор’е ўсё ж унесла карэктывы як у язду, так i ў вынiкi.

«Усё адбылося па плане, але з-за пацяплення траса, якую мы рыхтавалi два тыдні, амаль уся растала. Месцамі быў бачны асфальт. А гэта не для зімовых гонак. Тэхніцы па такой трасе было ездзіць цяжка, ад гэтага і дрэнныя некаторыя вынікі. Але ўдзельнікі засталіся задаволеныя спаборніцтвамі. Што тычыцца выступу гродзенцаў, то ў дзіцячай і юнацкай катэгорыях ёсць прызёры, а ў дарослай не атрымалася».

Па выніках усіх заездаў месцы размеркаваліся наступным чынам:

Клас «Е-Miнi»
1 месца — Паскуп Мацвей (Гродна)
2 месца — Сiвiрчукова Кацярына (Гродна)
3 месца — Лісоўскі Аляксей (Гродна)

Клас «Е-Юніёр»
1 месца — Ёдчык Ілля (Гродна)
2 месца — Сямашка Іван (Гродна)
3 месца — Карданец Максім (Мінск)

Клас «Е»
1 месца — Бойчанка Аляксей (Магілёў)
2 месца — Асташонак Аляксей (Магілёў)
3 месца — Шчалканаў Аляксандр (Мінск)

Усе пераможцы і прызёры атрымалі ўзнагароды ад арганізатараў і спонсараў спаборніцтваў.

Падзяліцца

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025