У Гродне каля КСМ бегае зграя бяздомных сабак, якая налічвае каля 8 дарослых асобін. Нападаў на людзей зафіксавана не было, але колькасць і памеры жывёл наводзяць страх на самотнага чалавека.
У зграі можна заўважыць як пародзістых сабак, так і звычайных дварнякоў. Можна меркаваць, што зграя ўтварылася пасля навагодніх святаў, бо многія гаспадары да гэтага часу не могуць знайсці сваіх зніклых жывёл.
Што рабіць, калі сустрэў зграю сабак?
- Не пужацца і не ўцякаць
Калі чалавек бяжыць, натуральна сабакі хочуць яго дагнаць. Варта памятаць, калі сабака брэша — значыць, папярэджвае і прапануе сысці з яго тэрыторыі і кусаць пакуль не хоча. Тады чалавеку варта паказаць жывёле, што ён усё зразумеў і згодны сысці з чужой тэрыторыі.
- Калі сабакі працягваюць брахаць і не даюць сысці, то варта з імі загаварыць упэўненым, спакойным голасам
Нельга крычаць «Фу», не факт, што сабакі з якімі чалавек сустрэўся ведаюць гэтую каманду. Крык здольны іх толькі раззлаваць. Нельга ім паказваць свой неспокой. Варта пастарацца з сабакамі пагаварыць цвёрда і прыязна. Калі сабакі трохі супакоіліся, то варта пачынаць вельмі павольна і спакойна рухацца туды, адкуль прыйшоў, і пры гэтым не паварочваючыся да жывёл спіной.
- Ні ў якім выпадку не бегчы, нават калі вельмі хочацца.
Пры сустрэчы зграі сабак, не варта рабіць рэзкіх рухаў, нават не варта падымаць рукі. Нельга сабакам пільна глядзець у вочы. Калі чалавек пакіне тэрыторыю жывёл і яны перастануць ісці за ім, усё роўна бегчы нельга.
Варта адзначыць, што зграі сабак ніколі не нападаюць, калі не ўпэўнены ў сваім сілавай і лікавай перавазе. Яны добра адчуваюць страх і слабіну, таму калi чалавек баіцца, то больш шанцаў падвергнуцца пільнай увазе жывотных.
Таксама часта сабакі кідаюцца за веласіпедыстамі, машынамі, проста людзьмі, якія бягуць і сабакамі. Зграі, пастаянна жывуць на нейкім пэўным участку, лічаць яго сваёй тэрыторыяй і становяцца ў яго межах нашмат агрэсіўней і смялей. Так што будзьце ўважлівыя.
