Фота: freestocks.org
Прэпараты для лячэння ВІЧ і туберкулёзу будуць вырабляцца на беларуска-індыйскай фармацэўтычнай вытворчасці ў Скідзелі. Пра гэта 12 студзеня ў час закладкі першага каменя ў падмурак новага прадпрыемства ў Скідзелі паведаміў выконваючы абавязкі дырэктара ТАА «Новалок» Кумар Манаранджан, перадае карэспандэнт БЕЛТА.
На новай вытворчай пляцоўцы, якая ствараецца ў Скідзелі, плануецца вырабляць лекавыя сродкі для лячэння ВІЧ, туберкулёзу, рака і іншых захворванняў. Сума інвестыцый складзе каля $ 2,8 млн. Мантаж абсталявання першай чаргі плануецца завяршыць да канца года.
У першы час ТАА «Новалок» плануе выпускаць 15−20 найменняў лекаў. У далейшым лінейку прадукцыі пашыраць да 50 найменняў.
«Гэта будуць унікальныя прэпараты, многія з якіх у Беларусі і ў іншых краінах СНД не робяцца і не прадстаўлены на рынку. Яны будуць куды больш даступнымі па цане ў параўнанні з аналагічнымі замежнымі прэпаратамі», — адзначыў Кумар Манаранджан. На вытворчасці, якая размесціцца на дзеючых плошчах прадпрыемства РУП" Белмедпрэпараты" ў Скідзелі, будзе створана каля 70 працоўных месцаў.
Будаўнічы аб’ект сёння быў прэзентаваны старшыні Савета Рэспублікі Міхаілу Мясніковічу. Ён прыняў удзел у закладцы капсулы з пасланнем нашчадкам і першага каменя ў падмурак новага прадпрыемства. «Гэта не толькі імпартазамяшчэнне: падобныя прадпрыемствы валодаюць самавітым экспартным патэнцыялам. Мы не ставім задачу на 100% закрыць беларускі рынак лекамі ўласнай вытворчасці, аднак на дзеючых вытворчасцях павінны працаваць і на ўнутраны рынак, і на знешні», — падкрэсліў Міхаіл Мясніковіч.
Ён адзначыў, што акрамя вытворчасці ў Скідзелі падобныя беларуска-індыйскія фармакалагічныя праекты рэалізуюцца таксама ў Бешанковічах і Мінску. Паводле слоў Міхаіла Мясніковіча, прадукцыя індыйскіх фармаколагаў паспяховая на многіх рынках за кошт таго, што яны прапануюць якасныя лекі па больш нізкіх, чым у іншых вытворцаў, цэнах.
Беларуска-індыйская кампанія ТАА «Новалок» створана для рэалізацыі праекта, яе заснавальнікамі выступаюць РУП «Белмедпрэпараты» і індыйская фармацэўтычная кампанія Lok-Beta Pharmaceuticals (I) Pvt. Ltd.
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…
На Гагарына, 25 у Гродне прадаецца двухпакаёвая кватэра з выдатна захаваным постсавецкім інтэр'ерам. Дом, у…