У бліжэйшыя дні ў Гродне пачнуць працаваць хакейныя каробкі і каткі. Дзякуючы моцным маразам, ва ўсю ідзе падрыхтоўка ледзяных пакрыццяў у розных раёнах горада.
Калі ў парку Жылібера ўжо можна катацца, то на хакейных каробках яшчэ не. Каб падрыхтаваць там лёд працоўным трэба некалькі дзён. Гэтак, на добры лёд сыходзіць каля 100 кубаметраў вады. Калі ў каробцы снег утрамбаваны, то прыходзіцца заліваць і падліваць вадой каля шасці разоў, а калі не, то цэлых восем.
Пакуль толькi адзін каток у парку Жылібера гатовы да катання. У бліжэйшы час зальюць каток на БЛК, які адносіцца да БФСТ «Дынама», а таксама каток каля OldCity. Не выключана, што ў горадзе з’явяцца яшчэ некалькі адкрытых пляцовак для катання.
