Пасол Вялікабрытаніі Фіёна Гібб прыехала пазнаёмiцца з Гродна

Увечары 24 снежня ў Гродна ўпершыню з прыватным візітам прыехала пасол Вялікабрытаніі Фіёна Гiбб. За час трохдзённай паездкі дыпламат плануе пазнаёміцца з горадам і яго славутасцямі.

Фіёна Гібб працуе ў у Беларусі ўжо 11 месяцаў, у Гродне яна ўпершыню. У першую чаргу пасол наведала лютэранскую кірху на Раство, таксама пабывала на святкаванні Ханукі ў сінагозе.

«Экскурсія па горадзе ў нас запланавана ў бліжэйшы час. Я паспела крыху паглядзець горад і ён мне вельмі спадабаўся. Гродна — вельмі прыгожае і гістарычнае месца. Да прыезду сюды я шмат чула пра яго. Чакаю з нецярпеннем экскурсіі па мясцовых славутасцях», — сказала пасол.

Дыпламат не плануе сустракацца з кіраўнікамі горада, яе мэта — знаёмства з Гродна. Фіёна Гібб адзначыла што маленькімі крокамі Беларусь становіцца больш даступнай краінай для жыхароў Вялікабрытаніі. А бязвізавы ўезд у Гродна і Аўгустоўскі канал гэтаму павінен спрыяць яшчэ больш.

«Я хачу верыць, што грамадзяне Вялікабрытаніі ў будучыні будуць наведваць Гродна і яго наваколле больш актыўна, бо з нядаўняга часу дзейнічае бязвізавы рэжым. На жаль, пакуль яшчэ мала жыхароў Каралеўства ведаюць, што з’явілася такая магчымасць. Беларускі пасол у Лондане і ўлады Беларусi павінны больш папулярызаваць сваю краіну і бязвізавы ўезд, тады паток турыстаў павялічыцца. Пакуль жа ў Вялікабрытаніі вельмі мала людзей ведае пра Беларусь».

Фіёна Гібб родам з Шатландыі і з’яўляецца пратэстанткай. Пасля набажэнства на Каляды ў адзіным лютэранскай храме ў Беларусі дыпламат павіншавала гродзенцаў са святам. Пастар царквы Уладзімір Татарнікаў падарыў дыпламату маленькую карціну з выявай кірхі.


Хто такая Фіёна Гібб

Фіёна Гібб пачала працу ў МЗС Вялікабрытаніі ў 1990 годзе. Працавала ў Нямеччыне, Украіне, Самалі, Іраку, Емэне. Да прызначэння паслом у Беларусі займала пасаду намесніка кіраўніка аддзела МЗС па праектах у палітычных, культурных сферах і сферы бяспекі. Кіраўніком прадстаўніцтва Вялікабрытаніі ў Мінску была прызначаная ў ліпені 2015 года, у Беларусь прыбыла 24 студзеня, змяніўшы на пасадзе пасла Бруса Бакнэла, які кіраваў дыпмісіяй з ліпеня 2012 года.

Падзяліцца

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025