Навіны

Дубль Пасюта прынёс «Нёману» чарговую перамогу над «Шахцёрам»

Праз два дні пасля матчу ў Гродне хакеісты «Нёмана» і «Шахцёра» зноў сышліся на лёдзе, толькі ўжо ў Салігорску. Супернікі правялі баявы матч i трапіць у вароты гаспадароў гродзенскай камандзе ўдалося толькі ў трэцім перыядзе. Менавіта дзве шайбы польскага легіянера Гжэгажа Пасюта і дапамаглі «Нёману» атрымаць чарговую перамогу над «Шахцёрам».

«Шахцёр» — «Нёман» 0:2 (0:0, 0:0, 0:2)

галы:
46.45 0:1 — Пасют (мен.)
55.22 0:2 — Пасют


Пасля перамогі над «Шахцёрам» галоўны трэнер «Нёмана» Сяргей Пушкоў павіншаваў каталікоў з надыходзячымі Калядамі і застаўся задаволены вынікам гульнi ў Салігорску.

«Перш за ўсё, хачу павіншаваць усіх каталікоў з надыходзячымі Калядамі. Ведаю, што ў Беларусі шмат прыхільнікаў гэтай рэлігіі.

Што тычыцца непасрэдна самога матчу, то гульня атрымалася цяжкай і цягучай. Прычым такі характар яна пачала насіць літаральна з першага укідвання. Але гэта вытлумачальна тым, што абедзве каманды сустракаліся адзін з адным другі раз за пару дзён. А гуляць з адным і тым жа супернікам заўсёды складана. Тым больш даволі нядрэнная для нас гульня прайшла ў Гродне і «Шахцёр» зрабіў высновы з паразы. Мы таксама сур’ёзна рыхтаваліся да візіту ў Салігорск, бо цудоўна разумелі, што будзе зусім іншы матч. Так яно і атрымалася. У прынцыпе, гульня ішла да першага забітага гала. Хоць да таго, як нам у трэцім перыядзе атрымалася адкрыць лiк, абодва бакі стварылі звышдастаткова галявых сітуацый. Вось толькі з рэалізацыяй доўгі час не атрымлівалася. Мабыць, адбівалася высокая адказнасць за вынік. А можа і папросту да канца года назапасілася стомленасць… У любым выпадку, задаволены тым, што здолелі давесці матч да перамогі, што змаглі не толькі выстаяць у лікавай меншасці, але і самім закінуць".

У турнірнай табліцы «Нёман» працягвае набіраць ачкі. Цяпер у каманды Сяргея Пушкова 68 ачкоў, на 4 менш, чым у «Юнацтва». Дарэчы, мінская каманда губляе ачкі, яна саступіла ў сталіцы ў серыі булітаў «Дынама-Маладзечна».

Менавiта наступны матч гродзенскі «Нёман» правядзе дома, дзе будзе прымаць лідэра турнірнай табліцы «Юнацтва». Матч пройдзе 27 снежня.

Падзяліцца

Апошнія запісы

Нерухомасць тыдня: на Дзевятоўцы прадаюць кватэру з чарапашкамі-ніндзя і аб’ёмнай картай свету на сцяне

На сёмым паверсе дома па вуліцы Ліможа, 48Б выстаўлена на продаж трохпакаёвая кватэра плошчай 74,8…

4 красавіка 2025

Лакацыі паводле фільмаў пра вайну, парад і ўзяцце Тэкстыльшчыкаў замест Рэйхстага. Што плануюць у Гродне на 9 траўня?

У Гродне рыхтуюцца да святкавання 80-годдзя Перамогі ў Вялікай Айчыннай вайне. Мерапрыемствы аб'яднаюць пад канцэпцыяй…

4 красавіка 2025

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025