50 акварэльных работ мастака-графіка і педагога Дзіцячай мастацкай школы Алены Кузняцовай, якія рыхтаваліся на працягу трох гадоў, выставілі ў Гродзенскай выставачнай зале 20 снежня. Там вырашылі, працамі мастачкі варта як закрыць стары, так і адкрыць новы год.
Працы Алены Кузняцовай злучаюць у сабе тонкасці акварэльнага жывапісу і дбайную графічную прапрацоўку дэталяў. Празрыстасць колеру, дакладнасць малюнка, складаная, прадуманая ў кожным фрагменце кампазіцыя становяцца асновай аўтарскага стылю мастачкі.
«Мне гаварыць пра свае працы вельмі складана, хай яны лепш кажуць пра мяне. Я вельмі рада, што на адкрыццё выставы прыйшло столькі людзей, якія цікавяцца маёй творчасцю. І вельмі прыемна, што выстава адкрылася менавіта напярэдадні навагодніх святаў», — сказала Святлана Кузняцова.
