У музеі Гарадніцы паказваюць выставу лапікавага шыцця

Майстрыха Алена Чумрай

Выстава “Рукадзелле – маё рамяство” адкрылася ў музеі Гарадніцы. Аўтарка прадстаўленых ў экспазіцыі твораў – гродзенская майстрыха Алена Чумрай, якая захапляецца майстэрствам лапікавага шыцця.

Лапікавая тэхніка – адзін са старажытных відаў рукадзелля, пры якім суцэльны выраб у выглядзе мазаікі сшываецца з кавалкаў (лапікаў) тканіны. Майстрыха выкарыстоўвае аплікацыю, сшыванне, ручную і машынную зборку, праштабноўку.

Алена Чумрай працуе кіраўніцай квілт-студыі лапікавага шыцця “Жыцень”. На адкрыцці прысутнічалі шматлікія вучаніцы майстрыхі, сярод якіх многа студэнтак УЗВ.

На выставе можна пабачыць звыш 100 твораў: арт-квілты, пано, касцюмы, жаночыя торбы, тэкстыльныя цацкі, дэкаратыўныя падушкі.

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

Каментары

Spelling error report

The following text will be sent to our editors: