Уначы з 12 на 13 снежня ў Гродзенскім парку актыўнага адпачынку «Алімп» пачалі працаваць снежныя гарматы. Пакуль надвор’е не вельмі спрыяе іх працы. Пры дзённай тэмпературы каля -2 градусаў гарматы могуць працаваць толькі на мінімальнай магутнасці. Таму працы па заснежванню схілаў больш актыўна ідуць уначы, калі тэмпература падае.
Да слова, сёлетнімі зімовымі начамі на «Алімпе» будуць працаваць не толькі гарматы. Адной з цікавостак сезона стануць начныя катанні з гор.
Сёлета адпачынак на «Алімпе» плануюць зрабіць больш разнастайным. Лыжны спуск раздзеляць на некалькі трас, абяцаюць зрабіць больш зручным пад’ёмнік. Апроч магчымасці катацца з горкі, будзе падрыхтавана і бегавая траса, што пройдзе па тэрыторыі парка і часткова праз блізкі да гор лес.
Новыя ўражанні атрымаюць і аматары цюбінга. У гэтым годзе траса для спуска будзе мець выгляд жолаба. З выкарыстаннем такой тэхналогіі лягчэй будзе заснежыць схіл і падрыхтаваць яго да эксплуатацыі. Ды і працэсу спуска дадасць відовішчнасці.
Яшчэ адной навінкай сезону стане магчымасць набываць квіткі ў парк на цэлы дзень Па буднях уваход на тэрыторыю будзе каштаваць 10 рублёў, па выходных — 15. Для дзяцей да 12 гадоў і сталых людзей ад 60 кошты будуць меншымі напалову.
З такімі квіткамі можна будзе пакатацца зранку, паехаць дахаты адпачыць і пасля вярнуца яшчэ раз. Што да пракатнага інвентара, то цэны стануць вядомымі бліжэй да адкрыцця сезона.
Пра тое, калі «Алімп» пачне прымаць гасцей, пакуль дакладна сказаць немагчыма — гэта залежыць ад надвор’я. Каб можна было забяспечыць добрую якасць трас, таўшчыня снежнага покрыва мае быць каля 30 сантыметраў. Каб намесці пакую колькасць снега, можа патрэбіцца каля двух тыдняў.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…