Арыентаваную на экспарт вытворчасць каркасных дамоў створаць пад Гродна

Новым рэзідэнтам СЭЗ «Гроднаінвест» стала прадпрыемства «ТМХ Скандзінавіян». Прадстаўнікі латвійскага бізнесу ў Гродне плануюць стварыць вытворчасць драўняна-модульных канструкцый, што выкарыстоўваюцца для ўзвядзення каркасных дамоў, паведамілі Белта ў адміністрацыі СЭЗ «Гроднаінвест».

«Плануецца стварэнне вытворчасці з выкарыстаннем спецыяльнага абсталявання для вырабу апорных канструкцый каркасных дамоў, спадарожных вырабаў - лесвіцы, парогі, дзверы, ліштвы, інтэр'ерныя аздобныя матэрыялы. Прычым для вытворчасці будуць выкарыстоўвацца тэхналогіі, адрозныя ад тых, што прымяняюцца зараз на беларускім рынку», — адзначылі ў СЭЗ «Гроднаінвест».

Вытворца зацікаўлены ў супрацоўніцтве з дрэваапрацоўчымі прадпрыемствамі з Гродзенскага рэгіёна, іншых абласцей, а таксама з вытворцамі вокнаў, дзвярэй, іншых будаўнічых элементаў.

Як адзначае вытворца, перадумовамі для рэалізацыі праекта выступілі значны рост рынку малапавярховага драўлянага домабудавання, усё большая папулярнасць сегмента панэльна-каркасных тэхналогій, пераарыентацыя рынку загараднай нерухомасці з элітнага класа на эканомклас. Больш за 85% прадукцыі плануецца пастаўляць на экспарт — у краіны Еўрапейскага саюза, а таксама ў Расію, Украіну і Казахстан.

Рэалізацыя праекта намечана на 2017 год. У 2018 годзе прадпрыемства плануе пачаць выпуск прадукцыі. Размесціцца вытворчасць у раёне Новай Гожы. Будзе створана каля 20 новых працоўных месцаў. Аб’ём інвестыцый перавысіць 1,5 млн еўра.

Падзяліцца

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025