Менавіта так малады гродзенскі поп-рок гурт прапануе праводзіць вольны час замест таго каб сядзець дома, гледзяць серыял ці гартаць старонкі ў інтэрнэце. Куды важней быць з сябрамі і сустракаць світанак з тым, хто табе па-сапраўднаму дарагi. Пра гэта і не толькі новая песня гродзенцаў «Сустракаць світанак», на якую на днях выйшаў кліп.
Гурт паўстаў у 2009 годзе, але частыя змены ў калектыве не давалі магчымасці нармальна функцыянаваць. Са старога складу засталіся толькі Юры і Павел Сяўко. Са з’яўленнем вакаліста Артура Якушава з канца 2015 года хлопцы зноў змаглi заявіць пра сябе.
Юрый, заснавальнік групы, распавядае, што першапачаткова «Brooklyn» граў блюз, рок-н-рол і рок. Зараз жа музыкі перайшлі на поп і спяваюць пра каханне.
«Пастаянныя змены ў калектыве не давалі нам развівацца. Доўга не маглі знайсці вакаліста, але нарэшце знайшлі. У апошняй нашай працы мы паэксперыментавалі з гукам, нарадзіўся матыў, і я вырашыў напісаць песню „Сустракаць світанак“. Што я хацеў ёй сказаць? Усё вельмі проста. Шпацыруйце на вуліцы, тусуйцеся, адрывайцеся ад манітораў пры любой магчымасці, будзьце з блізкімі вашаму сэрцу людзьмі, нават калі раніцай будзе цяжка адкрыць вочы — гэта таго варта», — кажа Юры.
Кліп здымалі цягам месяца ў Гродне. У ім ёсць выкрутасы на BMX, сяброўства, напамін аб цёплых летніх вечарах, маляўнічая сцэна світанку і lovestory.
«Летам я ішоў ля драмтэатра і ўбачыў хлопцаў на BMX. Ужо тады я падумаў, што гэта тое, што патрэбна. У верасні пачалі здымкі. Мы былі вельмі залежныя ад надвор’я, таму здымкі былі раскіданыя па часе вельмі моцна. Вынікам я вельмі задаволены. Галоўнае, што ў нас атрымалася моладзева, бо на маладых якраз мы і арыентуемся», — дадаў Юры.
Зараз «Brooklyn» працуе ў студыі. У бліжэйшых планах: фармаванне рэпертуару, перамовы з радыёстанцыямі і канцэрт. Больш інфармацыі пра групу — на іх старонцы ў ВК.
Аб'явы аб здачы памяшканняў у арэнду з'явіліся ў Instagram-акаўнце royal.grodno і на “Куфары”. У аб'явах…
Гродзенскія пункты выдачы заказаў Wildberries і Ozon аказаліся перапоўнены падарункамі для жывёл. Гэта вынік Таемнага…
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…