Вялікім канцэртам у драмтэатры 19 лістапада тэатр гумару «Канкан» адзначыў сваё 25-годдзе. Калектыў паказаў гродзенцам дзвюхгадзінную праграму «Нашы 90-я».
Зала была поўная: прыйшлі сябры, сваякі і тыя, хто з самага заснавання сачыў за творчасцю гродзенскіх гумарыстаў.
Заснавальнік і мастацкі кіраўнік тэатра «Канкан» Вячаслаў Сяліцкі распавёў Hrodna.life, што 25 гадоў для яго каманды гэта не мяжа — наперадзе яшчэ шмат планаў і гастроляў.
«Мы заўсёды рабілі тое, што прыносіла задавальненне нам і тым людзям, якія ходзяць на нашы канцэрты. А яшчэ нам хацелася быць лепшымі ў сваім жанры. Зараз нават не верыцца, што нам ужо 25 гадоў.
«Канкан» працуе: як дома, так і за межамі Беларусі, і гэта праца пастаянная — канцэрты, здымкі, гастролі. Калі азірнуцца, то было вельмі шмат таго, што прыемна ўспомніць, але было і тое, чаго лепш не ўзгадваць. Гэта больш за сорак міжнародных фестываляў, дзе гледачы нас ледзь не на руках насілі, гэта залы па некалькі тысяч гледачоў. Але і без канцэртаў на якія прыходзіла 20 чалавек не абыходзілася".
Зараз «Канкан» гэта 12 чалавек, а яшчэ паўтара дзясяткі моладзі з тэатра «КанТри», якіх дасведчаныя калегі «нацягваюць» на прафесійную сцэну. У камандзе тэатра і заслужаны артыст Беларусі Сяргей Курыленка.
Планаў на будучыню у гродзенскiх артыстаў шмат: ад гастроляў па Беларусі, Расіі, Польшчы, Германіі, Чэхіі і Францыі, да здымак на вядучых каналах гэтых краін.
На 15% скарацілася колькасць супрацоўнікаў Гродзенскага мясакамбіната за дзевяць месяцаў 2024 года. На 1 студзеня…
Бізнэсоўца Станіслава Буйніцкага абвінавачваюць ва ўхіленні ад выплаты падаткаў у значнай суме. ТАА "Форт", у…
Працягваецца рэканструкцыя падвеснага моста ў Мастах. На апорах ужо нацягнутыя ліны агульнай масай 40 тон…
У вёсцы Навасёлкі прадаюць дом проста на беразе Гродзенскага вадасховішча, з відам на Нёман. Ён…
Першая вядомая назва нашага горада - "Городенъ". Менавіта так яго называлі яшчэ ў XII стагоддзі,…
Буйны агрэгатар перавозчыкаў "Атлас" абвясціў пра зніжэнне коштаў на квіткі: да канца лютага можна дабрацца…