Галоўны мінскі ідэолаг не дазволіў канцэрт гурта Dzieciuki

Tuzin.fm мае намер абскарджваць рашэнне аб адмове ў выдачы гастрольнага пасведчання на канцэрт гурту Dzieciuki ў судовым парадку.

На плошчы Незалежнасці, проста насупраць помніка Леніну, ва ўтульным прасторным кабінеце сядзіць Павал Вітальевіч Скалабан. Ён пастаўлены дзяржавай на адказную пасаду — пільнуе ў цэлым горадзе ідэалагічную працу, пытанні культуры і справы моладзі. Ён вырашае, якія канцэрты арганізатарам рабіць можна, а якія не, якім гуртам дазваляць выходзіць на сцэну, а якім адмаўляць. Правядзенне мерапрыемства без яго ведама караецца штрафам.

Скалабан вырашыў, што гурту Dzieciuki не месца ў беларускай музычнай прасторы, таму даў пісьмовую адмову на заяву аб правядзенні іх канцэрту ў Мінску, які меў прайсці ў межах праекту «Жывы Тузін» у студзені 2017 года. Спаслаўся на закон — пункт 5 главы 2 «Палажэння аб арганізацыі і правядзенні культурна-відовішчных мерапрыемстваў». У ім напісана наступнае:

«Забараняюцца арганізацыя і правядзенне мерапрыемстваў:

— якія маюць на мэце ажыццяўленьне прапаганды вайны або экстрэмісцкай дзейнасці;

— якія прадстаўляюць пагрозу нацыянальнай бяспецы, грамадскаму парадку, маральнасці і здароўю насельніцтва, правам і свабодам грамадзян;

— з парушэннем патрабаванняў гэтага Палажэння і іншых актаў заканадаўства, у тым ліку ў сферы аўтарскага права і сумежных правоў".

Ніякіх падмацаванняў сваёй думкі, абгрунтаванняў і тлумачэнняў Скалабан не прывёў, даўшы адно толькі сухую адпіску.

Адмову ў правядзенні канцэрту гурта Dzieciuki арганізатары лічаць незаконнай, бо творчасць музыкаў не парушае аніводны пункт са згаданага палажэння. Таму арганізатары будуць звяртацца ў суд, каб там галоўны ідэолаг патлумачыў, якімі прынцыпамі ён кіруецца.


Гурт Dzieciuki заснаваны ў 2012 годзе ў Гродне. Спяваюць аўтарскія тэксты на гістарычную тэматыку аўтарства Дзяніса Жыгаўца і Алеся Дзянісава. Працуюць у стылі фолк-панку. Выдалі два альбомы — «Гарадзенскі гармідар» (2014) і «Рэха» (2016). Названыя «Гуртом году» на прэміі «Героі году-2014». Актыўна гастралююць у Польшчы, Нямеччыне, Чэхіі, Славаччыне, Аўстрыі ды іншых еўрапейскіх краінах.

Падзяліцца

Апошнія запісы

У цэнтры Гродна закрылася крама спорттавараў, якая працавала больш за 30 гадоў

Гродзенцы звярнулі ўвагу, што з будынка па вуліцы Ажэшкі, 42 знікла шыльда «Спорттавары». Instagram-акаўнт крамы…

28 красавіка 2025

Фільм на кітайскай раскажа пра Гродна і яго «інвестыцыйную прывабнасць»

Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…

28 красавіка 2025

У Гродне з’явіўся амерыканскі дэсерт — печыва з рознымі начыннямі

У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…

28 красавіка 2025

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025

Нерухомасць тыдня: у Гродне прадаюць дом з ажурным балконам за 60 метраў ад Нёмана

У Гродне на продаж выставілі дом на 2-м Падольным завулку - па суседстве з рэстаранам…

26 красавіка 2025

Школьнікі з Гродна трапілі пад прафілактыку за «зігаванне» і нацысцкую сімволіку

Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…

25 красавіка 2025