У ноч з 9 па 10 лістапада на вуліцы Гродна выехала больша за 20 адзiнак снегаўборачнай тэхнікі. Яна расчышчае дарогі і тратуары ад снега, а таксама пасыпае іх адмысловай сумессю.
Першы снег не застаў супрацоўнікаў камунальных службаў знянацку. Кіроўцы ўжо даўно чакалі, каб выехаць на вуліцы горада.
«Не было снегу і не было працы. А цяпер хоць выехалі, гэта радуе. Тэхніка ж калі доўга стаіць — псуецца. Працуем згодна з графікам: спачатку прыбіраем цэнтральныя вуліцы, а потым едзем у двары. На вулiцах горада зараз працуе каля 12 трактароў i больш за 10 машын», — распавёў адзін з кіроўцаў трактара.
Змена ў працоўных пачалася ў 21.00, а скончыцца ў 9.00.
