Фота: Ірына Новік
Беларусь і Польшча прапрацоўваюць магчымасць стварэння ветрапарку ў пасёлку Зэльва Гродзенскай вобласці. Пра гэта паведаміў 24 кастрычніка журналістам старшыня Беларускай гандлёва-прамысловай палаты Уладзімір Улаховіч перад пачаткам беларуска-польскага эканамічнага форуму «Добрасуседства-2016», перадае БЕЛТА.
«Плануецца стварэнне ветрапарку ў пасёлку Зэльва. Кошт праекта складае каля $ 3 млн», — сказаў Уладзімір Улаховіч.
У цэлым кіраўнік БелГПП інфармаваў, што Беларусь і Польшча прапрацоўваюць магчымасць рэалізацыі каля 10 сур’ёзных бізнес-праектаў.
«У прыватнасці, плануецца рэалізаваць вялікі праект па стварэнні тэніснага цэнтра ў Мінску з удзелам польскай кампаніі „Юнибэп“ [гэтая кампанія пабудавала ў сталіцы гатэль „Вікторыя“ і зараз будуе цэнтр „Трыніці“ ў Гродне], кошт праекта ацэньваецца ў $ 30 млн. У Гродне намячаецца вялікі праект (звыш $ 60 млн) па ўзвядзенню гандлёвага цэнтра [маецца на ўвазе „Трыніці“, які ўжо актыўна будуецца]», — адзначыў Уладзімір Улаховіч. Акрамя таго, мяркуецца стварэнне вытворчасці ёгуртаў ў Гродне, рэалізацыя буйнога праекта ў СЭЗ Магілёўскай вобласці па выпуску прадукцыі «IKEA» (каля $ 35 млн).
Беларуска-польскі эканамічны форум «Добрасуседства-2016» праходзіць у Мінску 24 кастрычніка. Мерапрыемства арганізавана ў мэтах развіцця двухбаковага гандлёва-эканамічнага супрацоўніцтва і актывізацыі кааперацыйных сувязей Беларусі і Польшчы ў розных сектарах эканомікі. Праграма форуму ўключае пленарнае пасяджэнне і правядзенне трох секцый: «Міжрэгіянальнае супрацоўніцтва і развіццё», «Стварэнне спрыяльнага інвестыцыйнага клімату. Перавагі і рызыкі», «Умовы вядзення бізнесу. Адкрытая эканоміка і абарона рынку «. Адбудзецца кантактна-кааперацыйная біржа паміж беларускімі і польскімі дзелавымі коламі.
З 5 красавіка ў Гродне талоны на праезд у гарадскім грамадскім транспарце даражэюць на 10…
У Гродне на Віленскай, 37 адкрыўся новы буцік-гатэль і рэстаран The Cult - і выклікаў…
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…