Невядомыя распісалі стэнды на веламаршруце ў Пышках нецэнзурнымі словамі і зараз вынік іх «працы» бачаць не толькі дарослыя, але і дзеці. Пра гэта Hrodna.life расказала гродзенка Марыя.
«Мы з дзецьмі каталіся ў Пышках на роварах і было вельмі сорамна перад імі, калі яны ўголас зачыталі ўсё, што было напісана на стэндзе. Я проста была шакаваная, калі пачула ад дзяцей гучна і выразна нецэнзурныя словы. Хацелася б у будучыні, каб там такога не было», — распавяла Марыя.
Цяпер зламыснікаў ужо не знойдзеш, бо ў Пышках на маршрутах няма аховы ці камер відэаназірання. Але каб тварэнні вандалаў прыбралі, мы звярнуліся ва Упраўленне спорту і турызму гродзенскага аблвыканкама, якое адказвае за веламаршруты.
Як аказалася, гэта ўжо не першы факт вандалізму на веламаршрутах. Начальнік аддзела турызму Таццяна Лiдзяева распавяла, што раней невядомыя ламалі месцы адпачынку ў Пышках.
«Непрыемна ўсё гэта, бо там усё ствараецца для людзей у рамках трансгранічнага праекта, а невядомыя вандалы толькі ўсё псуюць. Калі зламалі ў Пышках месцы адпачынку, рэспубліканскі турысцкі саюз ўсё аднаўляў, і не хацелася б, каб зноў падобнае паўтаралася. Прыйдзецца і гэтыя надпісы прыбіраць. Хочацца верыць, што ў будучыні людзі пачнуць шанаваць тое, што ў іх ёсць, і не будуць псаваць. Але, здаецца, тых, якія займаюцца падобнымі рэчамі, ужо не змяніць».
Гродзенцы звярнулі ўвагу, што з будынка па вуліцы Ажэшкі, 42 знікла шыльда «Спорттавары». Instagram-акаўнт крамы…
Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…
У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…
Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…
У Гродне на продаж выставілі дом на 2-м Падольным завулку - па суседстве з рэстаранам…
Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…