Міністэрства культуры і ўпраўленне архітэктуры і горадабудаўніцтва гарвыканкама далі станоўчы адказ лютэранам Гродна наконт усталёўкі сонечных батарэй на даху аднапавярховай прыбудовы да будынка кірхі.
Гарадзенская лютэранская абшчына ўваходзіць у сістэму экалагічнага менеджменту «Белы бусел». Не першы год яна ставіць перад сабой мэту зменшыць колькасць спажываемай электраэнергіі. Устаноўка сонечных батарэй на прыбудове да кірхi — адзін з сур’ёзных першых крокаў у гэтым кірунку. Чальцы абшчыны вераць, што ўстаноўка такіх батарэй дасць магчымасць у будучыні, з-за змены клімату ў Беларусі, часткова паменшыць выдаткі электраэнергіі.
«Наша царква надае вялікую ўвагу ўстойліваму развіццю, а асабліва экалагічнаму менеджменту, у плане выкарыстання альтэрнатыўных крыніц энергіі. Наша мэта — выкарыстоўваць усё, што нам дае Бог — сонца, вецер, дождж. Наша абшчына хоча паглядзець, ці сапраўды ў Беларусі выгадна ўсталёўваць сонечныя батарэі на малой тэрыторыі. Напрыклад, у Нямеччыне сонечныя батарэі вельмі распаўсюджаны, не толькі на буйных аб’ектах, але і на малых будынках», — распавёў пастар лютэранскай абшчыны ў Гродне Уладзімір Татарнікаў.
Чакаецца, што ўстаноўка сонечных батарэй пачнецца да канца 2016 года. Вясной 2017 яны павінны паўнавартасна запрацаваць.
У акцыях на 9 траўня, прысвечаных святкаванню 80-годдзя перамогі, вырашылі задзейнічаць жывёл. Сабаку па мянушцы…
Супрацоўнікі "Гродназелянбуда" ўжо ўпрыгожваюць аркі на Савецкай кветкамі. У сацсетках з'яўляецца ўсё больш відэа з…
У траўні на даху комплексу «Бровар Гродна» з'явіўся флюгер. Пры рэстаўрацыі гродзенскага піўзавода інвестару было…
Гродзенскі краязнаўца Аляксандр Перагудаў знайшоў у расійскіх фондах шэраг малавядомых здымкаў Гродна часоў Першай сусветнай…
У траўні беларусы сталі актыўна абмяркоўваць знікненне бульбы з паліц у крамах. Звярнулі ўвагу і…
Гарадское і сельскае насельніцтва Беларусі скарачаецца. Згодна з Белстатам, у Гродне і Лідзе сітуацыя выглядае…