Алея кіно, якую адкрылі ў Гродне ў дзень святкавання яго 888-годдзя, стала першай у Беларусі. Знаходзіцца яна каля былога кінатэатра «Гродна» (сёння — моладзевы цэнтр) і пачынаецца з таблічкі, прысвечанай фільму «Белыя росы».
Алею, па традыцыі кіношнікаў, адкрылі разбіваннем талеркі намеснік старшыні аблвыканкама Віктар Лісковіч і старшыня гарвыканкама Мечыслаў Гой.
Са словаў Віктара Лісковіча, у планах не толькі адзначаць стужкі на алеі кіно, але і непасрэдна ў горадзе ў тых месцах, дзе праходзілі здымкі. Можна нават зладзіць асобны турыстычны маршрут па кінематаграфічных месцах, лічыць чыноўнік.
Там жа, на пляцоўцы каля Моладзевага цэнтра, прэзентавалі першы нумар гарвыканкамаўскага часопіса «Гродна», які мае быць своеасаблівым адказам на камерцыйны часопіс «Твой Город Гродно», які ўжо паўтара года выдаецца ў горадзе.
Першы нумар новага часопіса прысвечаны Дню горада, яго падрыхтавала рэдакцыя газеты «Гродзенская праўда». На старонках — віншаванні для гарадзенцаў ад чыноўнікаў, расказ пра Аўгустоўскі канал, інтэв'ю з Іванам Ціханам ды іншае.
Дзве кнігі "Наш президент" з футлярам купляюць для Цэнтралізаванай бібліятэчнай сістэмы Гродна. Яны праходзяць як…
Жыхарцы Новай Гожы давялося звяртацца ў Камітэт дзяржкантролю Гродзенскай вобласці, каб выратаваць дом сваёй маці…
Гродзенца, на якога падаў заяву Азаронак, абвінавачваюць у здрадзе дзяржаве. У Ваўкавыску судзяць Эдуарда Бабарыка.…
У Гродне ў гэтым годзе вылучылі 24 месцы, дзе можна будзе купіць цюльпаны і іншыя…
За апошнія тры гады ў Гродзенскай вобласці засталося 11 атэставаных гідаў-перакладчыкаў з 20. Пры гэтым…
"Пяльменная 1961" пачала працу на Савецкай, 23 у суботу, 22 лютага. Установа адкрылася на тым…