Кубак у падарунак за тэставанне нашай старонкі атрымала Ульяна Ляскевіч. Цэлы тыдзень ад 13 да 19 лютага яна рэгулярна чытала Hrodnа.life. Найбольш Ульяну цікавілі падзеі з гарадскога жыцця — тое, што варта ведаць тут і зараз.
Такім чынам у ТОП-3 ад Ульяны трапілі падзеі, што мелі ў горадзе вялікі медыйны розгалас і каторыя прапусціць было проста нельга.
У Гродне прайшла акцыя супраць дэкрэта аб «дармаедах»
«Мы вярнуліся надоўга». Brutto выступіў у гродзенскім Лядовым
У Гродне пачалі вешаць шыльды з гістарычнымі назвамі вуліц
Меркаваннем Ульяны, Hrodnа.life выдаў інфармацыю пра іх вельмі аператыўна. Хуткасць яна таксама адзначыла як паказчык якасці.
Трэба сказаць, што напачатку Ульяна пачала «тэставаць» толькі рускамоўную версію, і дзівілася, чаму навінаў так мала. Калі ж даведалася пра нашу асноўную беларускамоўную старонку, то адрэагавала воклічам: «То гэта ж зусім іншая справа!»
Яна адзначыла, што інтэрнэт пашукавік «выкідвае» звычайна на рускамоўную версію, а пра беларускую старонку многія карыстальнікі і не ведаюць.
Для нас гэта добрая падказка, будзем старацца напаўняць інфармацыяй абедзьве старонкі, ці хаця б перанакіроўваць з рускамоўнай старонкі на матэрыял, напісаны па беларуску.
На бягучым тыдні чытачом-тэсціроўшчыкам сайта будзе Адар’я Гуштын.
