Замковая, 5. Фото из архива Hrodna.life
У Гродне з аўкцыёну прададуць дом на Замкавай, 5. Гэты будынак часта называюць палацам Масальскіх. Але гісторыкі думаюць, што гэтая назва недакладная.
Раней на Замкавай, 5 размяшчаўся інтэрнат медуніверсітэта. Да яго рассялення ў 2020 годзе будынак лічыўся адным з самых старых жылых дамоў Гродна.
Зараз інфармацыя аб продажы ёсць на сайце Гродзенскага агенцтва нерухомасці - арганізацыі, якая праводзіць гарадскія аўкцыёны. Што тут будзе, пакуль невядома — у абвяшчэнні дом фігуруе як «будынак неўстаноўленага прызначэння». Інфармацыя аб аўкцыёне папярэдняя: няма ні умоў продажу, ні пачатковай цаны, ні даты.
Раней СМІ пісалі, што ў палацы Масальскі можа з’явіцца элітны гатэль. Па іншых крыніцах — можа быць што заўгодна, акрамя жылля і вытворчасці.
Ёсць некалькі версій, хто і калі пабудаваў дом на Замкавай, 5.
«Пытанне [пра гісторыю будынка] застаецца адкрытым. Але гэта не змяняе факту каштоўнасці самога аб’екта», — кажа Hrodna.life гісторык Андрэй Чарнякевіч.
Пра далейшы лёс дома на Замкавай, 5 ёсць больш сведчанняў. У пачатку XIX стагоддзя ён належаў гарадской казне і здаваўся ў арэнду прыватным асобам. Пасля Першай сусветнай вайны тут праходзілі паседжанні Беларускага нацкамітэта. У 20-я гады размяшчаліся гандлёвыя прадстаўніцтвы, габрэйская школа і клуб габрэйскай інтэлігенцыі. У 1950 годзе ў будынку адкрылі гандлёва-кулінарную школу, з 1970-х гадоў гэта інтэрнат медінстытута.
Захавалася фота пачатку ХХ стагоддзя, дзе можна ўбачыць, што ў той час дом быў двухпавярховым. Трэці паверх дабудавалі ў міжваенны перыяд, а пасля Другой сусветнай вайны дадалі балконы і трохкутны франтон.
«Сёння вятртанне камяніцы першапачатковага выгляду з’яўляецца надзвычай важнай задачай дзеля павышэння турыстычнай прыцягальнасці горада», — лічыць Мечыслаў Супрон.
“Каб цябе пярун забіў!” - адзін з найбольш вядомых беларускіх праклёнаў. У 1934 і 1935…
З надыходам цяпла ў заходніх рэгіёнах Беларусі - Гродзенскай і Брэсцкай абласцях - сталі з'яўляцца…
Змяшаць два знаёмыя спосабы афарбоўкі яек і атрымаць аліўкавы колер, знайсці спосаб з дапамогай хімічнай…
Яніна Міхайлаўна Земба нарадзілася ў Гродне ў 1934 годзе. Падчас нямецкай акупацыі яе маму вывезлі…
«Еўрасаюз нам не патрэбен!» Гэты наратыў папулярны не толькі ў беларускай прапаганды, але і ў…
У пошуках лепшага жыцця тысячы людзей выязджалі з беларускіх зямель больш за сто год таму.…