Юбілей адной гравюры, альбо чаму гродзенцам варта паказаць сваю годнасць

У 1568 годзе ў Нюрнбергу з-пад друкарскага прэса выйшла гравюра, якая адразу прыцягнула ўвагу адукаваных еўрапейцаў. Яе неаднаразова капіявалі іншыя граверы, а яе персанажы траплялі на старонкі энцыклапедый. Гравюра зрабіла вядомым імя нашага горада на агульнаеўрапейскім узроўні.

Але што абумовіла такую папулярнасць гравюры і пры чым тут Гродна? Справа ў тым, што праца творцы, знакамітага гравёра Мацея Цюндта, адна з першых падрабязна распавяла пра падзеі з усходняга ўскрайка Еўропы — цікавага, але на той час малавядомага рэгіёна.

Гравюра, якая завецца «Сапраўдная выява горада Гродна ў Літве», адлюстроўвае наш горад падчас сустрэчы замежных пасольстваў у ліпені 1567 года.

Ідэя

Каманда hrodna.life мае шэраг прапаноў па папулярызацыі гродзенскай гравюры як гарадскога брэнда і яе замацаванні ў культурнай прасторы горада.

Чаму гэта варта зрабіць

Наступны, 2018-ы год для гравюры юбілейны — у ім яна адзначыць сваё 450-годдзе. Але не менш святочная гэтая падзея і ўласна для Гродна — менавіта тады быў упершыню намаляваны з натуры беларускі горад. Гэты факт сведчыць аб прысутнасці Гродна ў тагачаснай еўрапейскай культурнай прасторы, яго значнасці ў гісторыі нашай краіны і рэгіёна.

Мы, гродзенцы, любім падкрэсліваць свае багатыя культурныя традыцыі, таму адзначыць 450-гадовы юбілей гравюры — справа нашага гонару. Рэалізацыя ідэй паспрыяе паляпшэнню турыстычнага іміджа горада, палепшыць яго прываблівасць сярод наведвальнікаў.

Дадатковай спрыяльнай умовай з’яўляецца правядзенне ў чэрвені 2018 года XII фестывалю нацыянальных культур у Гродне, які стварае ўсе умовы для рэалізацыі падчас свята шэрагу культурных мерапрыемстваў, прысвечаных гораду на гравюры.

Што дзеля гэтага трэба

Каб рэалізаваць запланаванае (а мы маем на гэта 12 месяцаў), нам патрабуецца:

  • згода гарадскіх улад;
  • зацікаўленасць гараджан і гатоўнасць да супрацоўніцтва;
  • спонсарская падтрымка.

Сутнасць праекта

Мы прапануем гораду на абмяркаванне 4 ідэі, якія распавядуць гродзенцам і гасцям горада аб гравюры «Vera designatio Urbis in Littavia Grodnae» («Сапраўдная выява горада Гродна ў Літве»)

  • Усталяваць на агляднай пляцоўцы на вул. Дарвіна інфармацыйныя стэнды з выявамі гістарычных пананарам Гродна, у тым ліку і гравюры 1567 года. Яе стварэнне, як стала вядома нядаўна, ужо запланавана гарадскімі ўладамі, але выкарыстанне графічных выяў зробіць яе больш інфарматыўнай.
  • Стварыць вялікафарматную выяву-копію гравюры на сцяне будынка альбо плоце ў гістарычным цэнтры горада. На сённяшні дзень гравюра ўжо прысутнічае ў гарадской прасторы, але недастаткова — яе фрагменты выкарыстоўваюцца ў аздабленні крамы «Баторыя», а таксама дома па вул. Ажэшкі. Раней існавала вялікая фрэска з выявай гравюры на будынку кафе «Кронан», але падчас рэканструкцыі яна была страчана. Мажліва прыцягненне вулічных мастакоў.
  • Правесці вулічнае анімаванае шэсце ці гістарычную рэканструкцыю «Сустрэча пасольстваў» па матывах сюжэта гравюры. Мэтазгодна зрабіць гэта падчас святочных мерапрыемстваў XII фестываля нацыянальных культур, які пройдзе ў чэрвені 2018 года. Гэта дазволіць, па-першае, прыцягнуць да ўдзелу творчых прадстаўнікоў фестывалю нацыянальных культур, вулічныя тэатры ці тэатры агню, а таксама зрабіць праграму фестывалю больш разнастайнай.
  • Арганізаваць выставу, прысвечаную Гродна на еўрапейскай гравюры, у тым ліку экспанаванне арыгінала гравюры 1567 года. Мажлівы перамовы з культурнымі ўстановамі-уладальнікамі артэфакта (асобныя копіі захоўваюцца ў Вільні, Варшаве, Кракаве, Львове, Санкт-Пецярбургу).

Падабаецца нашая ідэя? Лічыш яе вартай рэалізацыі? Хочаш, каб усё гэта з’явілася ў гарадской прасторы Гродна? Падзяліся гэтым артыкулам з сябрамі, у сацыяльных сетках, няхай больш людзей яго пабачаць і прачытаюць!

Падзяліцца

Апошнія запісы

Тры Белавежскія пушчы. Як агароджы на мяжы змяняюць лес і жывёльны свет у Беларусі, Польшчы і паміж платамі

Белавежская пушча сёння раздзеленая не на дзве, а насамрэч на тры часткі: беларускую, польскую і…

31 сакавіка 2025

«Трэнд — мацоўня, здароўе». Задалі адны і тыя ж пытанні металістам з Беларусі і Польшчы

Ужо некалькі дзесяцігоддзяў метал-музыка аб'ядноўвае людзей не толькі адных музычных прыхільнасцяў, але і падобнага светапогляду.…

26 сакавіка 2025

У гродзенскім ГЦ развяліся прусакі. Куды звяртацца, калі заўважылі насякомых у кафэ ці ў сябе дома

У ГЗК Triniti гродзенцы заўважылі прусака — насякомае бегала па канапе ў зоне фуд-корту. Hrodna.life…

26 сакавіка 2025

«Магчыма, будзе і новы матэрыял». Вакаліст гурта Ulis Слава Корань расказаў, як эміграцыя не дае яму пісаць

Беларускі гурт Ulis праіснаваў больш за 20 гадоў. Яго спадчына жыве - музыканты робяць каверы,…

20 сакавіка 2025

«Мама выпісвала фальшывыя дакументы і дапамагала трапіць у Польшчу». Рэпатрыянтка — пра дзяцінства ў Гродне і эміграцыю ў 1946-м

Крысціна Мішчук (Пянткоўская) нарадзілася ў 1933 годзе ў Гродне ў сям'і мясцовай інтэлігенцыі. Каталічка. Тата…

18 сакавіка 2025

«Мая зямля — што хачу, тое і раблю». З’ездзілі ў польскую вёску ля мяжы з Беларуссю, куды стараста запрашае жыць усіх ахвотных

У 500 метрах ад плота, узведзенага на польскім баку мяжы з Беларуссю, стаіць вёска Азяраны…

17 сакавіка 2025