Якаў і Дзіна называюць сябе грамадзянамі свету. Разам яны падарожнічаюць каля трох гадоў. Родам з Расіі, але ў апошні час жывуць у Індыі. У Гродна яны прыехалі на роварах з Мінска, куды прыляцелі на самалёце. Пара распавяла Hrodna.life, як падарожнічае падчас пандэміі.

Турысты плануюць праехаць амаль усю Беларусь на роварах. Сваё падарожжа яны здымаюць для блога на YouTube.

Чаму Беларусь?

Якаў і Дзіна фрылансеры — працуюць дыстанцыйна, што дазваляе ім пастаянна падарожнічаць. У гэтым годзе выбралі Беларусь.

«Гэтую краіну мы абралі, таму што тут не было каранціну і можна было спакойна ўехаць, — распавядае Дзіна. — У Індыі яшчэ нядаўна былі сур’ёзныя абмежаванні і там усе стаміліся ад псіхозу. Мы ўжо даўно хацелі паглядзець Беларусь. У Мінску купілі ровары, палаткі і паставілі сабе мэту аб’ехаць усю краіну. Пакуль даехалі да Гродна. Больш за ўсё хочацца паглядзець заходнюю частку, яна бліжэй да Еўропы і прыкметна адрозніваецца ад усходняй, якая падобная да Расіі».

View this post on Instagram

А пока мы гуляем по Гродно, я расскажу об одном месте в городе Лида, где мы были совсем недавно, а заодно поделюсь лайфхаком 🏡 Это гостевой дом, который на букинге называется Aghrougolok Hostel. По факту это оказался совсем даже не хостел в привычном понимании, а прекрасный большой частный загородный дом! Комната у нас была на 2 этаже отдельная со всей мебелью, светлая, даже с небольшой библиотекой. Внизу довольно просторная кухня, куда периодически захаживал серый кот с бандитской мордой и тёрся об ноги в надежде урвать какой-нибудь кусочек 😄 🏡 Сам дом находится на окраине Лиды, в 4 км от Лидского замка, что для велосипеда расстояние смешное, да и автобус ходит: 7 минут — и ты в центре. Зато спишь в тишине, утром птички поют и солнышко будит тебя своим приятным светом ☀️ 🏡 Вобщем, считай, что остановился ты не в хостеле, не в отеле, а в гостях у Николая (хозяина дома). Нам такой формат очень по душе! 🏡 А теперь лайфхак, проверенный мной в нескольких городах России и уже в Беларуси 👇👇👇 Цена на букинге может быть дороже, чем напрямую у хозяина (не всегда, но бывает). Это обусловлено тем, что хозяева жилья платят букингу комиссию (около 20%). Поэтому, прежде чем бронировать жильё на букинге, найдите его просто в гугле. Свяжитесь напрямую с хозяином и уточните цену БЕЗ ПОСРЕДНИЧЕСТВА БУКИНГА. Если так дешевле, то просто договаривайтесь с хозяином. Это работает и с хостелами, и с частными гостиницами 🏡 Ну, а номер Николая @nikolainovikov113 в Лиде у меня сохранён, так что если кому-то вдруг понадобится — дам! 🏡 Мотик на фото стоит как раз во дворе этого дома 😊 • #карманныйураган #путешествия #беларусь #велотур #вандруем #вандроука #лида #лайфхак

A post shared by 🌪 КАРМАННЫЙ УРАГАН (@dina_tarini) on

Затрымаліся на тыдзень у аграсядзібе

Ехалі турысты з Мінска ў Гродна прасёлкамі. На начлег спыняліся ў намёце ля населеных пунктаў.

«Калі былі ў Івянцы, вырашылі спыніцца побач, у пасёлку Падневічы. Там была аграсядзіба і гаспадары нас добра прынялі і пакармілі, нягледзячы на ​​тое, што ў іх броні не было. На раніцу гаспадары прапанавалі застацца ў іх на некалькі дзён, як валанцёрам. У выніку мы на тыдзень затрымаліся. Дапамагалі па гародзе, будавалі дом. Вельмі зблізіліся з імі, нас нават адпускаць не жадалі».

Добрыя ксяндзы

Па шляху ў Гродна вандроўнікі заязджалі ў розныя гарады і пасёлкі. Там больш за ўсё ім запомніліся сустрэчы з ксяндзамі.

«У Іўі мы пазнаёміліся з ксяндзом Янам, ён родам з Гродна. Святар правёў нам экскурсію па закрытым храме, паказаў рарытэтную вопратку ксяндзоў і арган. Вельмі адкрыты чалавек. Ён нас накарміў, напаіў і зняў нам гасцініцу на начлег.

У Васілішках мы пазнаёміліся з яшчэ адным ксяндзом. Спыталі ў яго, дзе можна знайсці начлег. Ён сказаў, што можна ставіць палатку на яго ўчастку ці каля касцёла. Такімі ўчынкамі беларусы адкрываюцца для нас з іншага боку. Вельмі прыемныя людзі і заўсёды гатовыя дапамагчы".

Якаў і Дзіна ў цэнтры Гродна

Цырульня ў цэнтры Гродна

У Гродне вандроўцы спыніліся на тры дні ў хостэле «Сарматыя». Па горадзе вырашылі шпацыраваць пешшу, каб адпачыць ад ровараў.

Якаў і Дзіна заўважылі, што Гродна адрозніваецца ад тых гарадоў, якія яны бачылі ў Беларусі раней. «Утульны гарадок, але ёсць асобная пляма — традыцыйны Ленін у цэнтры горада, вечны агонь і выканкамы. Усё ў традыцыях саўдэпу», — кажуць вандроўцы.

«У самым цэнтры мы зайшлі ў старэнькую мужчынскую цырульню ["Антэй» на Савецкай — рэд.]. Я папрасіла віскі мне згаліць. Атрымалася дамовіцца з жанчынамі, у іх тады людзей не было. Папрасілі іх уявіць, што я хлопчык. Разгаварыліся: мы пра сябе, а яны нам пра цырульню, якой 90 гадоў. Выдатна абслужылі", — распавяла Дзіна.

Якаў і Дзіна ў гродзенскім хостэле «Сарматыя»

Пра падарожжа будзе відэа

Пасля Гродна турысты плануюць наведаць Белавежскую пушчу і Брэст. А пасля паездкі па гарадах Беларусі ў планах адправіцца ў Польшчу. Калі адкрыюць мяжу.

«Каб падарожнічаць, нам не трэба шмат грошай. У нас ёсць палаткі для начлегу, а ежу заўсёды можна купіць і прыгатаваць. Мы — веганы. Пра наша падарожжа па Беларусі будзе відэа на YouTube».

Рэпарцёр, фатограф, краязнаўца. Самы хуткі журналіст Гродна на ровары. Руслана і яго ровар ведаюць многія гараджане: ад чыноўнікаў да бамжоў. Падчас службы ў войску быў разведчыкам, а цяпер даказвае, што выведнік былым не бывае. Працуе ў Hrodna.life з 2013 года, калі сайт яшчэ працаваў пад брэндам «Твой стыль». У канцы 2018 выдаў кнігу «Горад адзін, успаміны розныя», дзе сабраў успаміны гродзенцаў пра 1930−40-я гады.