Здароўе і спорт

Выратавальнік з Гродна ў поўным рыштунку прыняў удзел у «Прабегу цвярозасці»

Віктар Макарэвіч працуе выратавальнікам у Гродне. 1 студзеня ён прыняў удзел у анлайн-забегу «Прабег цвярозасці» і стаў пераможцам конкурсу ад бегавой клуба run4fun.by за самы крэатыўны падыход. Ён пабег 4,3 кіламетра ў поўным абмундзіраванні, якое важыць больш за 25 кг.

Віктар працуе ў МНС больш за восем гадоў. Ён прадстаўляе сваю частку ў спаборніцтвах па пажарным кросфіце і конкурсе «Наймацнейшы спасатель». Не раз быў прызёрам, удзельнічаў у рэспубліканскіх спаборніцтвах. У 2021 годзе Віктар вырашыў прабегчы «Прабег цвярозасці» з рыштункам пажарнага.

У 2021 годзе ў «Прабегу цвярозасці» прыняло ўдзел 365 чалавек. Усе яны беглі ў анлайн-рэжыме 4300 метраў. Гэта быў сёмы год запар, калі гродзенцы масава выходзілі бегаць 1 студзеня. Першы такі прабег прайшоў у 2014 годзе і сабраў 60 удзельнікаў. У 2020 годзе на «Прабег цвярозасці» выйшла рэкордная колькасць людзей за ўсе гады — 500.

Трапіў на прабег з-за жарту жонкі

«Гэта мой другі забег на „Прабегу цвярозасці“. У мінулым годзе на ўдзел мяне падбіла жонка. Яна натыкнулася на гэты забег і жартам сказала, што запіша мяне. Я аджартаваўся. Аказалася, што яна насамрэч запісала. Так і пабег. У гэтым годзе я сам зарэгістраваўся».

Віктар Макарэвіч (справа) на «Прабегу цвярозасці» ў 2020 годзе. Фота: Руслан Кулевіч

У 2021 годзе з-за эпідэміялагічнага становішча «Прабег цвярозасці» праходзіў у рэжыме анлайн. 1 студзеня Віктар знаходзіўся на дзяжурстве і бегаў на тэрыторыі часткі.

«Анлайн быў мне на руку, бо 1 студзеня быў на дзяжурстве. Вырашыў паспрабаваць у баявой вопратцы прабегчы. Я бегаў да гэтага каля 3 км з вагой да 20 кг. Тут дыстанцыя і вага больш, але гэта не спыніла».

Віктар кажа, што калегі падтрымалі яго ідэю. «Калі бегаў, я разумеў, што ў любы момант магу выехаць па трывозе. Таму ўжо быў гатовы».

«Было пачуццё, нібы нанава нарадзіўся»

Большую частку дыстанцыі Віктар бег нармальна, але пасля 3 км у яго пачаліся цяжкасці.

«Да таго моманту ўжо ногі крыху стаміліся і вага, якая была на мне, давала пра сябе ведаць. Пераадолеўшы 3 км, я ўжо стараўся думаць пра тое, што засталося яшчэ хвілін 10 пацярпець і фініш. Але гэтыя 10 хвілін вельмі моцна зацягнуліся. Апошні кіламетр я бег, максімальна зменшылі тэмп і проста трываў. Калі дабег і зняў з сябе форму, было пачуццё, нібы нанава нарадзіўся».

Забег Віктара доўжыўся 37 хвілін. Дзяжурства 1 студзеня ў яго прайшло спакойна.

Чытайце таксама: «Пришли по привычке». К «Пробегу трезвости» в Гродно присоединилось более 350 человек

У 2021 годзе ў «Прабегу цвярозасці» прыняло ўдзел 365 чалавек, усе яны беглі ў рэжыме анлайн. Удзельнікі, якія пераадолелі дыстанцыю ў 4300 метраў і даслалі арганізатарам скрыншот маршруту, атрымаюць памятныя медалі. У гэтым годзе да забегу далучыліся ўдзельнікі не толькі ў Беларусі, але і ў розных краінах свету.

Падзяліцца

Апошнія запісы

«Каб цябе пярун забіў!» Як неверагодны пярун 90 гадоў таму трымаў у страху Гродзеншчыну

“Каб цябе пярун забіў!” - адзін з найбольш вядомых беларускіх праклёнаў. У 1934 і 1935…

22 красавіка 2025

Гродзенцы адкрылі грыбны сезон. Дзе ў вобласці шукаць смаржкі і іншыя грыбы?

З надыходам цяпла ў заходніх рэгіёнах Беларусі - Гродзенскай і Брэсцкай абласцях - сталі з'яўляцца…

22 красавіка 2025

Аліўкавыя, залатыя і мармуровыя яйкі. Трэнды Tik Tok на Вялікдзень 2025

Змяшаць два знаёмыя спосабы афарбоўкі яек і атрымаць аліўкавы колер, знайсці спосаб з дапамогай хімічнай…

17 красавіка 2025

«Усё жыццё мару, што нехта са сваякоў знойдзецца». Гродзенка расказала, як пасля вайны не змагла з’ехаць у Польшчу і трапіла ў Казахстан

Яніна Міхайлаўна Земба нарадзілася ў Гродне ў 1934 годзе. Падчас нямецкай акупацыі яе маму вывезлі…

10 красавіка 2025

Мільярды еўра — Варшаве, мільёны — Мінску. Параўналі, як Польшча і Беларусь выкарыстоўвалі еўрапейскія гранты

«Еўрасаюз нам не патрэбен!» Гэты наратыў папулярны не толькі ў беларускай прапаганды, але і ў…

9 красавіка 2025

Як з беларускіх зямель даплывалі да Амерыкі 100 год таму: расказвае падкаст «Зямля свабоды»

У пошуках лепшага жыцця тысячы людзей выязджалі з беларускіх зямель больш за сто год таму.…

9 красавіка 2025