Горад

Раніцай абараніла курсавую, увечары прымерыла карону: новую «Міс Гродна» абралі ў Драмтэатры

Фінальнае шоў конкурсу прыгажосці «Міс Гродна — 2017» прайшло на сцэне драматычнага тэатра 19 мая. Галоўная карона дасталася студэнтцы філалагічнага факультэта ўніверсітэта імя Янкі Купалы Маргарыце Мартынавай.

Паўтара месяца дзяўчаты рыхтаваліся да фінальнага шоў: навучаліся навыкам дэфіле, асновам сцэнічнай мовы і акцёрскаму майстэрству, удзельнічалі ў прымерках i здымках. На самiм фінальным шоў гледачоў чакалі не толькі выхады на сцэну прыгажунь, але і насычаная канцэртная праграма: музычныя і танцавальныя нумары ад артыстаў з Гродна і Мінска.

Пасля першага антракту члены журы выбралі з 16 канкурсантак 8 лепшых. А пасля другога — галоўную прыгажуню горада. Уладальніцай кароны стала чароўная Маргарыта Мартынава.

«У першую чаргу я хачу сказаць, што гэта агульная перамога. Калі б не было дзяўчат — не было б усяго гэтага маляўнічага шоў, якое сёння вы бачылі, — кажа Маргарыта Мартынава. — Я вельмі рада перамозе і буду з гонарам насіць званне «Міс Гродна — 2017».

Міс Гродна 2016 года Аляксандра Дораш перадала Маргарыце карону не ўпершыню. Гэтаксама здарылася раней на «Міс універсітэт», дзе дзяўчаты перамаглі адна за другой.

«Зараз я вучуся на філалагічным факультэце, вывучаю сучасныя замежныя мовы. Цяжка было сумяшчаць вучобу і падрыхтоўку да конкурса. Часам даводзілася ахвяраваць заняткамі дзеля рэпетыцый, а на носе акурат была абарона курсавой. Але я з усімі цяжкасцямі справілася і сёння раніцай, перад конкурсам, абараніла гэтую курсавую».

Дзяўчына кажа, што ў будучыні хацела б паўдзельнічаць у конкурсе «Міс Беларусь».

Званні першай і другой віцэ-міс атрымалі Анастасія Міклашэўская і Аляксандра Козырава. Перамогу ў намінацыях Міс Зачараванне і Міс Талент атрымала Інга Змітровіч, Міс глядацкіх сімпатый таксама стала Анастасія Міклашэўская.


Сёлета конкурс «Міс Гродна» быў юбілейны — 30-ы. Да гэтай гадавіны прадзюсар конкурсу Ігар Ляговiч запрасіў на свята пераможцаў мінулых гадоў. За 30 гадоў існавання конкурсу каля 4000 дзяўчат прэтэндавалі на тытул «Міс Гродна», а больш за 300 з іх прынялі ўдзел у фінальных шоў.

Падзяліцца

Апошнія запісы

«Каб цябе пярун забіў!» Як неверагодны пярун 90 гадоў таму трымаў у страху Гродзеншчыну

“Каб цябе пярун забіў!” - адзін з найбольш вядомых беларускіх праклёнаў. У 1934 і 1935…

22 красавіка 2025

Гродзенцы адкрылі грыбны сезон. Дзе ў вобласці шукаць смаржкі і іншыя грыбы?

З надыходам цяпла ў заходніх рэгіёнах Беларусі - Гродзенскай і Брэсцкай абласцях - сталі з'яўляцца…

22 красавіка 2025

Аліўкавыя, залатыя і мармуровыя яйкі. Трэнды Tik Tok на Вялікдзень 2025

Змяшаць два знаёмыя спосабы афарбоўкі яек і атрымаць аліўкавы колер, знайсці спосаб з дапамогай хімічнай…

17 красавіка 2025

«Усё жыццё мару, што нехта са сваякоў знойдзецца». Гродзенка расказала, як пасля вайны не змагла з’ехаць у Польшчу і трапіла ў Казахстан

Яніна Міхайлаўна Земба нарадзілася ў Гродне ў 1934 годзе. Падчас нямецкай акупацыі яе маму вывезлі…

10 красавіка 2025

Мільярды еўра — Варшаве, мільёны — Мінску. Параўналі, як Польшча і Беларусь выкарыстоўвалі еўрапейскія гранты

«Еўрасаюз нам не патрэбен!» Гэты наратыў папулярны не толькі ў беларускай прапаганды, але і ў…

9 красавіка 2025

Як з беларускіх зямель даплывалі да Амерыкі 100 год таму: расказвае падкаст «Зямля свабоды»

У пошуках лепшага жыцця тысячы людзей выязджалі з беларускіх зямель больш за сто год таму.…

9 красавіка 2025