Дзе панк, там і рол. У Гродне рыхтуецца да адкрыцця бар з паназіяцкай кухняй

«Гэтая ежа ідэальна вяжацца з панк-стылем», — распавёў Hrodna.life Сяргей Махаўцоў, адзін з сузаснавальнікаў бара «Punkroll». Ва ўстанове абяцаюць уласцівую панк-стылю сумленнасць і свабоду ад стэрэатыпаў, а таксама шчодрасць і прастату паназіяцкай кухні. Сам Махаўцоў у праекце ўпершыню выступіць у ролі кіраўніка. Хто стане шэфам кухні, калі адкрыецца новы бар, і чым ён парадуе жыхароў Гродна, Сяргей распавёў Hrodna.life.

Ежа, якая каштуе сваіх грошай

«Яна простая і не мудрагелістая, — кажа Махаўцоў пра паназіяцкую кухню. — Яе нават вытанчанай назваць нельга. Затое заўсёды разумееш, што яна каштуе сваіх грошай. Асабліва, калі табе прыносяць шчодрую талерку смачнай і рэзкай локшыны».

Ролы ў «Punkroll» можна набыць у сярэднім за 13−15 рублёў, а локшыну — менш чым за 10 рублёў

Праверыць яго абяцанні можна будзе ўжо вельмі хутка. Бар пачне працаваць у тэставым рэжыме ўжо ў сярэдзіне красавіка. «Плануецца выкананне рок-кавераў па выхадных і абедзеннае меню з першага дня адкрыцця. Дастаўку па некаторых пазіцыях меню можна замовіць ужо цяпер», — распавёў Hrodna.life Сяргей.

Хто стаў шэф-кухарам «Панк рола»

У Сяргея Махаўцова, аднаго з саўладальнікаў установы, вялікі досвед працы ў грамадскім харчаванні. Ён быў шэф-кухарам у кафэ «Веранда», кафэ паназіяцкай кухні «Лі» і кейтэрынгавай арганізацыі «Першы кейтерынг». У праекце «Punkroll» ён упершыню будзе не шэфам, а кіраўніком. Па яго словах, гэта розныя, цяжка сумяшчальныя спецыялізацыі.

«Я ўдзельнічаю ў распрацоўцы меню, але шэф-кухарам ва ўстанове будзе Марыя Грыгаровіч, — распавёў Hrodna.life Сяргей Махаўцоў. — Гэта першы праект, дзе яна будзе шэф-кухарам. Просім любіць і не крыўдзіць. Яна вельмі стараецца, каб гасцям спадабалася наша кухня».

Чытайце больш:

Бармэна новай установы Махаўцоў абяцаў прадставіць публіцы пазней у Instagram праекта. «Агулам у бары будзе пераважаць моцны алкаголь, кактэйлі і безалкагольныя напоі ў паназіяцкім стылі».

«Свабода ад стэрэатыпаў, сумленнасць, прастата і… панк»

Пра паназіяцкую кухню Сяргей Махаўцоў кажа, што «яна каштуе сваіх грошай». У меню, па яго словах, стараліся пісьменна абгуляць якасны прадукт у складзе кожнай стравы: «Мы не хочам хаваць нашу ежу пад мікразелянінай і іншым, што не зусім пасуе да яе па смаку». Калі прадукты добрыя і прыгатаваныя правільна, дадатковыя ўпрыгажэнні ежы не патрэбныя, лічыць Махаўцоў: «Рыба — яркая і шчыльная, у нашых ролах начыння заўсёды больш, чым рысу».

Удон з ялавічынай ў вустрычным соусе

У пацверджанне якасці страў з «Панк ролу» Сяргей прыводзіць досвед васьмі месяцаў паспяховай працы на дастаўку: «Нашыя госці пацвердзяць».

Чытайце таксама: «Стейки, цезарь, пиццы-роллы». Что гродненские фудблогеры думают о нашем общепите

Стараліся зрабіць тое, што спадабаецца нашым панкам

«Над назвай і стылем у нас працавала цэлая каманда аднадумцаў», — распавёў Hrodna.life Сяргей Махаўцоў. Канцэпцыя ўстановы звязана з агульнымі каштоўнасцямі каманды.

«Свабода ад стэрэатыпаў, прастата, сумленнасць — для нас гэта панк-музыка. Таму атрымалася назва „Punkroll“. Дызайнам займалася студыя „Месца“. Як у выніку атрымалася, можна будзе ацаніць па прыходзе ў нашу ўстанову».

Фішкі і зніжкі

Бента-боксы — адна з фішак у гродзенскім меню праекта. У такіх наборах ёсць адразу ўсё — мяса, гарнір, ролы, салата і соус. Бента-боксы можна будзе пакаштаваць у абедзеным меню ўстановы.

Боул з вэнджанымі мідыямі і крэветкамі

Стравы для бара і для дастаўкі будуць гатаваць на адной кухні. Але «ў залі» даступны да замовы большы спіс страў. «Тым не менш, хіты ў нашую дастаўку ўваходзіць будуць. Гэта ролы, локшына і боўлы», — распавёў Hrodna.life Сяргей Махаўцоў.

Ужо зараз у дастаўцы прысутнічаюць акцыі. Пры самавывазе кожны трэці рол кліент атрымлівае ў падарунак. Ёсць зніжка 25% у дзень народзінаў і зніжка на першую замову. Усе цэны і меню дастаўкі можна паглядзець на сайце.

Падзяліцца
Меткі: ежамесцы

Апошнія запісы

«Каб цябе пярун забіў!» Як неверагодны пярун 90 гадоў таму трымаў у страху Гродзеншчыну

“Каб цябе пярун забіў!” - адзін з найбольш вядомых беларускіх праклёнаў. У 1934 і 1935…

22 красавіка 2025

Гродзенцы адкрылі грыбны сезон. Дзе ў вобласці шукаць смаржкі і іншыя грыбы?

З надыходам цяпла ў заходніх рэгіёнах Беларусі - Гродзенскай і Брэсцкай абласцях - сталі з'яўляцца…

22 красавіка 2025

Аліўкавыя, залатыя і мармуровыя яйкі. Трэнды Tik Tok на Вялікдзень 2025

Змяшаць два знаёмыя спосабы афарбоўкі яек і атрымаць аліўкавы колер, знайсці спосаб з дапамогай хімічнай…

17 красавіка 2025

«Усё жыццё мару, што нехта са сваякоў знойдзецца». Гродзенка расказала, як пасля вайны не змагла з’ехаць у Польшчу і трапіла ў Казахстан

Яніна Міхайлаўна Земба нарадзілася ў Гродне ў 1934 годзе. Падчас нямецкай акупацыі яе маму вывезлі…

10 красавіка 2025

Мільярды еўра — Варшаве, мільёны — Мінску. Параўналі, як Польшча і Беларусь выкарыстоўвалі еўрапейскія гранты

«Еўрасаюз нам не патрэбен!» Гэты наратыў папулярны не толькі ў беларускай прапаганды, але і ў…

9 красавіка 2025

Як з беларускіх зямель даплывалі да Амерыкі 100 год таму: расказвае падкаст «Зямля свабоды»

У пошуках лепшага жыцця тысячы людзей выязджалі з беларускіх зямель больш за сто год таму.…

9 красавіка 2025