«Адрываю прам ад сэрца». Што і каго прадаюць гродзенцы ў сувязі з пераездам

З-за пераезду за мяжу многія ў Гродне прадаюць бізнес. Выявілася — не толькі яго. Hrodna.life паглядзеў на сайце kufar.by, што (і каго!) яшчэ прадаюць гродзенцы ў сувязі з пераездам. Знайшлі шмат адзення, бытавой тэхнікі і пародзістых жывёл.

Шыншыла, коткі і сабакі. Некаторыя — у дар

Бенгальскую караткапоўсцевую котку прадаюць у сувязі з пераездам

За 300 рублёў тэрмінова прадаюць кацянят пароды сфінкс. Бенгальскую кароткапоўсцевую котку аддадуць за 220, у дадатак латок, грабянец і талерка.

У сувязі з пераездам па дагаворнай цане прапануюць купіць двух шчанюкоў ёркшырскіх тэр’ераў. Разам з клеткай, кормам, крэйдай для грызення і пяском для купання можна купіць дарослага самца шыншылы.

У падарунак у сувязі з пераездам у іншую краіну аддаюць метыса стафа і пітбуля. Сабаку 11 месяцаў, ёсць ветпашпарт і прышчэпкі. Таксама ў сувязі з пераездам за мяжу аддаюць і дарослага хаскі.

Двух бамбейскіх чорных котак і аднаго ката таксама аддаюць бясплатна. «У сувязі з тэрміновым пераездам вымушана прыладжваць сваіх любімчыкаў, адрываю прам ад сэрца» — тлумачаць у аб’яве.

Нерухомасць

Аднапакаёвая кватэра з рамонтам і мэбляй прадаецца за $ 30 000. Гэтую ж кватэру яшчэ нядаўна можна было зняць на працяглы тэрмін за $ 150, але пазней абвестку знялі. Тэрмінова ў сувязі з пераездам прадаюць чатырохпакаёвую кватэру за $ 59 600 па вул. Белыя Росы. Таксама тэрмінова шукаюць пакупнікоў і на двухпакаёвую кватэру за $ 48 000. У кватэры свежы рамонт, прадаўцы пакінуць кухонны гарнітур са ўбудаванай тэхнікай.

Амаль гатовы дом у Зарыцы прадаюць у сувязі з пераездам

Амаль гатовы дом з лазняй 2022 года пабудовы прадаюць у Зарыцы. У доме два санвузлы, тры спальні і кухня сумешчаная з гасцінай, гараж. У лазні - парная, санвузел, пакой адпачынку. Вялікая зона барбекю.

Амаль новая бытавая тэхніка

Сярод аб’яў мы знайшлі робат-пыласос з гарантыяй да 2024 года за 700 рублёў і отпарвальнік, якім карысталіся адзін раз, за 260. Таксама прадаюць амаль новы электрагрыль за 260 рублёў. Электрычную печ, набытую ў верасні 2021 года, аддаюць за 370 рублёў. «Выкарыстоўвалі некалькі разоў. Прадаю ў сувязі з пераездам», — пазначана ў аб’яве.

Шмат адзення

Ёсць лот новага дзіцячага адзення — за ўсё просяць 100 рублёў. «Тэрмінова прадаю ў сувязі з пераездам, глядзіце іншыя мае аб’явы, вельмі шмат усяго па нізкіх цэнах» — пішуць у абвестцы. Сярод іншых аб’яў гэтага прадаўца мы знайшлі шмат жаночых сукенак ад 3 рублёў, швэдры, джынсы — ад 10.

Вікторыя прадае рэчы тэрмінова ў сувязі з пераездам. Сярод іх сумка Yves Saint Laurent за 180 рублёў, сукенкі ад 5, бюстгальтар Victoria’s Secret за 20 рублёў.

Падзяліцца

Апошнія запісы

«Каб цябе пярун забіў!» Як неверагодны пярун 90 гадоў таму трымаў у страху Гродзеншчыну

“Каб цябе пярун забіў!” - адзін з найбольш вядомых беларускіх праклёнаў. У 1934 і 1935…

22 красавіка 2025

Гродзенцы адкрылі грыбны сезон. Дзе ў вобласці шукаць смаржкі і іншыя грыбы?

З надыходам цяпла ў заходніх рэгіёнах Беларусі - Гродзенскай і Брэсцкай абласцях - сталі з'яўляцца…

22 красавіка 2025

Аліўкавыя, залатыя і мармуровыя яйкі. Трэнды Tik Tok на Вялікдзень 2025

Змяшаць два знаёмыя спосабы афарбоўкі яек і атрымаць аліўкавы колер, знайсці спосаб з дапамогай хімічнай…

17 красавіка 2025

«Усё жыццё мару, што нехта са сваякоў знойдзецца». Гродзенка расказала, як пасля вайны не змагла з’ехаць у Польшчу і трапіла ў Казахстан

Яніна Міхайлаўна Земба нарадзілася ў Гродне ў 1934 годзе. Падчас нямецкай акупацыі яе маму вывезлі…

10 красавіка 2025

Мільярды еўра — Варшаве, мільёны — Мінску. Параўналі, як Польшча і Беларусь выкарыстоўвалі еўрапейскія гранты

«Еўрасаюз нам не патрэбен!» Гэты наратыў папулярны не толькі ў беларускай прапаганды, але і ў…

9 красавіка 2025

Як з беларускіх зямель даплывалі да Амерыкі 100 год таму: расказвае падкаст «Зямля свабоды»

У пошуках лепшага жыцця тысячы людзей выязджалі з беларускіх зямель больш за сто год таму.…

9 красавіка 2025