Бізнес у фургоне: гродзенцы запусцілі першы ў горадзе фуд-трак

З пачатку сакавіка на вуліцах Гродна можна заўважыць незвычайны фургон — такія на захадзе называюць фуд-тракамі. «Кафэ на колах» вырашылі запусціць два сябра Дзмітрый і Максім. Сёння ў іх фургоне можна купіць хот-догі, кебабы і гарачыя напоі.

Фуд-трак — гэта кропка хуткага харчавання на аснове грузавога аўто, якое пераабсталявана ў невялікую кухню. Звычайна тут гатуюць з паўфабрыкатаў. Гэта дазваляе падаваць ежу хутка. Адкрыць такі бізнес — не дорага, але вось сабраць усе дакументы ў Беларусі - складаная працэдура.

«Мы ўжо даўно хацелі заняцца фастфудам і планавалі адкрыць невялікую кропку ў горадзе, каб людзі маглі прыязджаць па вечарах — перакусіць і выпіць кавы, — распавядае Дзмітрый. — Хацелі адкрыць пастаяннае кафэ, але планы змяніліся. У інтэрнэце ўбачылі, што ў Еўропе і Штатах распаўсюджана „ежа на колах“. Такога ў нас у горадзе мы не бачылі».

Навучаны кухар фуд-трака за 5 хвілін гатуе любую страву з меню

На фургон і абсталяванне — 10 000 долараў

Фургон хлопцы набылі ў Лідзе ў красавіку 2017 года.

«Мы яго цалкам пераабсталявалі знутры — абшылі нержавейкай, правялі праводку, выразалі акно і г. д. На гэта сышло некалькі месяцаў, — распавядае Максім. — Калі лічыць па мінімуму, то на фургон і абсталяванне мы выдаткавалі каля 10 000 долараў. Гэта значна танней, чым адкрыць кафэ.

Але і з такім бізнесам ёсць свае праблемы. Асабліва цяжка праходзіць санстанцыю. Але мы ўсе нормы выканалі і атрымалі заключэнне ў лютым. Выехалі ўпершыню на вуліцы горада ў сакавіку. Першая наша кропка была каля гары «Алімп» у Каробчыцах".

Так фуд-трак выглядае знутры. Начынне фургона гэта ўласнае вынаходніцтва Дзмітрыя і Максіма

Праблема з месцам продажаў

Паводле заканадаўства, фургон можа стаяць у горадзе толькі ў арандаваным месцы або на выязным гандлі, які трэба ўзгадняць з гарвыканкамам.

«У Штатах з гэтым лягчэй. Можна раніцай пад адны офісы пад’ехаць, у абед пад іншыя, а ўвечары пад кінатэатр. І на гэтым людзі зарабляюць добрыя грошы. Мы пакуль цэлы дзень стаім ля Еўраопта на Ціміразева. Думаю, калі нас стане больш, тады законы будуць мяняць і, магчыма, дазволяць фуд-тракам ездзіць па ўсім горадзе. У Мінску ўжо зараз законы для такіх фургонаў спрашчаюцца».

У будучыні гродзенцы плануюць купіць другую машыну, але ўжо з іншай кухняй. А ў першым фуд-траку хутка будуць не толькі хот-догі і кебабы, але і бульба фры, стравы грэцкай і канадскай кухні.

Вядома, што ў Гродне ў гэтым годзе плануецца запусціць яшчэ некалькі фуд-тракаў. Некаторыя бізнесмены ўжо кансультаваліся з першапраходцамі.

Даведка

Першыя «закусачныя на колах» з’явіліся яшчэ ў пачатку 20 стагоддзя ў ЗША. Фургоны для гатавання і продажу ежы доўгі час выкарыстоўваліся толькі марожаншчыкамі. Сёння такія «кафэ» набываюць усё большую папулярнасць ва ўсім свеце. У іх можна знайсці ўсё: ад звыклых бургераў і пончыкаў да нацыянальных страў экзатычных краін.


У всех были случаи в жизни, когда нам требуются деньги. Становится вопрос, а где же их брать? Если у вас есть автомобиль, то к вашим услугамавтоломбарды в караганде. вы всегда может воспользоваться услугами, которые мы предоставляем, и получить кредит на выгодных условиях.


Падзяліцца
Меткі: бізнесежа

Апошнія запісы

«Я і цяпер не згублюся ў Гродне». Пагутарылі з рэпатрыянтам, які пераехаў у Польшчу ў 1946 годзе, але дагэтуль памятае родны горад

Генрык Усціла нарадзіўся ў 1929 годзе ў Гродне на вуліцы Брыгіцкай. У 1935 годзе яго…

21 лютага 2025

«Нам з вамі нельга мець ніякіх сувязей». З’ездзілі ў Белавежскую пушчу, падзеленую агароджай, і даведаліся, што адбываецца па абодва бакі

Агароджа на мяжы Польшчы і Беларусі дзеліць Белавежскую пушчу на дзве часткі. Па абодва бакі…

19 лютага 2025

«Пасведчанне аб шлюбе парвалі пры сварцы». Як беларусы (не) разводзяцца ў эміграцыі

Ягор з партнёркай перажылі тры пераезды і вайну, і калі вонкавага лайна стала менш -…

18 лютага 2025

Забойства інжынера Кёніга. Як у Гродне 100 гадоў таму расследавалі гучную справу

Сто гадоў таму ў Гродне адбылося самае гучнае забойства 1925-га: у цэнтры гораду забілі вядомага…

17 лютага 2025

Дзень Сябровак замест Валянцінава дня. А вы ведалі, што адзначаюць 13 лютага?

Напярэдадні Дня святога Валянціна ўсё больш жанчын у свеце адзначаюць Дзень Галентайна - жаночага сяброўства.…

13 лютага 2025

Казюкі ў парку, блін-тусоўка і па пудзілу на кожны дзень. Дзе ў Гродне адсвяткаваць Масленіцу-2025

Масленіца ў гэтым годзе прыпадае на 2 сакавіка, а масленічны тыдзень пачынаецца з 24 лютага.…

12 лютага 2025