На чым ездзяць гродзенцы: глядзі вынікі міні-апытання да Дня аўтамабіліста

Мы склалі партрэт сярэднестатыстычнага аўтамабіліста з Гродна: на чым ездзіць, колькі выдае на паліва і абслугоўванне, як часта не праходзіць тэхагляд і іншае.

Каб атрымаць гэтую інфармацыю, напярэдадні Дня аўтамабіліста Hrodna.life правёў у розных сацсетках некалькі апытанняў на аўтамабільную тэматыку.

Бэушка з Еўропы ці ЗША

Мытныя пошліны на аўто значна выраслі ў 2011 годзе і да гэтага часу большасць гараджан па-ранейшаму ездзіць на машынах, якія прывезлі з Еўропы і ЗША да павышэння пошлін. Паводле дадзеных нашага апытання, такіх аўтамабіляў крыху больш за 65%.

На другім месцы — 12% - аўтамабілі набытыя новымі ў беларускіх аўтасалонах.

Крыху менш за 12% - аўтамабілі, прывезеныя з Еўропы або ЗША пасля 2011 года.

Каля 11% машын прыехалі да нас з Расіі. З іх прыкладна 4% былі набытыя новымі, а каля 7% - ужыванымі.

У бой ідуць адны старыя

Самая вялікая група аўто па ўзросце — машыны 16−20 гадоў. Машыны такога ўзросту ёсць у амаль 33% апытаных.

На другім месцы паводле папулярнасці - яшчэ больш узроставыя аўто. Амаль у 20% апытаных аўтамабілю 21−25 гадоў.

Крыху больш за 12% апытаных валодаюць аўтамабілямі ва ўзросце 12−15 гадоў. На «дзесяцігодках» ездзіць каля 10% гродзенцаў.

Машын, якім яшчэ няма і трох гадоў, усяго 4,5%.

Часцей за ўсё ў сям'і гродзенцаў адзін аўтамабіль — 66%. Два аўто маюць 20% сем’яў.

Замест сэрца палымяны матор

Пад капотам у гродзенцаў часцей за ўсё рухавік аб’ёмам 1,9−2,0 літра. Гэты варыянт абралі 29% удзельнікаў апытання. На другім месцы маторы аб’ёмам ад 1,6 да 1,8 літра. Малалітражкі з рухавікамі да 1,2 складаюць крыху больш за адзін працэнт. Характэрна, што машын з маторамі 3,5 літра і вышэй амаль у пяць разоў больш.

Колькі грошай выдаткоўваюць на аўто

26% гродзенцаў выдаткоўвае на паліва 100−150 рублёў у месяц, крыху больш за 23% рэспандэнтаў запраўляе машыну на 50−100 рублёў, амаль столькі ж — на 150−200 рублёў.

Штогод на рамонт і абслугоўванне аўтамабіля гродзенцы аддаюць парадку 300−500 долараў. На другім месцы з розніцай у сотыя долі працэнта — варыянт 200−300 долараў.

Пры гэтым алей у рухавіку большасць мяняе кожныя 10 000 км, калі дакладней — амаль 54% апытаных. 31% робіць гэта часцей — раз у 7000−8000 км прабегу. Каля 10% мяняе алей кожныя 12 000−15 000 км.

Колькі каштуе аўто?

Калі верыць апытанню, 18% гродзенскіх машын стаяць 5000−8000 долараў. Крыху менш, па 17%, набралі варыянты 3000−5000 і 2000−3000 долараў.

З невялікім адставаннем ідуць машыны коштам ад 1000 да 2000 долараў.

Увогуле атрымліваецца, што ў 60% гродзенцаў машыны коштам да 5000 $.

Задаючы розныя пытанні, мы не маглі не пацікавіцца, як ідуць справы з тэхаглядам.

37% прызналіся, што ездзяць на аўто без тэхагляду.

Падзяліцца
Меткі: аўто

Апошнія запісы

З адной бярозы — да 200 літраў. Як беларусам здабыць бярозавы сок на радзіме і ў эміграцыі

Здабываць бярозавы сок вясной — беларуская традыцыя, у кожным лясніцтве яго можна купіць за капейкі.…

3 красавіка 2025

Тры Белавежскія пушчы. Як агароджы на мяжы змяняюць лес і жывёльны свет у Беларусі, Польшчы і паміж платамі

Белавежская пушча сёння раздзеленая не на дзве, а насамрэч на тры часткі: беларускую, польскую і…

31 сакавіка 2025

«Трэнд — мацоўня, здароўе». Задалі адны і тыя ж пытанні металістам з Беларусі і Польшчы

Ужо некалькі дзесяцігоддзяў метал-музыка аб'ядноўвае людзей не толькі адных музычных прыхільнасцяў, але і падобнага светапогляду.…

26 сакавіка 2025

У гродзенскім ГЦ развяліся прусакі. Куды звяртацца, калі заўважылі насякомых у кафэ ці ў сябе дома

У ГЗК Triniti гродзенцы заўважылі прусака — насякомае бегала па канапе ў зоне фуд-корту. Hrodna.life…

26 сакавіка 2025

«Магчыма, будзе і новы матэрыял». Вакаліст гурта Ulis Слава Корань расказаў, як эміграцыя не дае яму пісаць

Беларускі гурт Ulis праіснаваў больш за 20 гадоў. Яго спадчына жыве - музыканты робяць каверы,…

20 сакавіка 2025

«Мама выпісвала фальшывыя дакументы і дапамагала трапіць у Польшчу». Рэпатрыянтка — пра дзяцінства ў Гродне і эміграцыю ў 1946-м

Крысціна Мішчук (Пянткоўская) нарадзілася ў 1933 годзе ў Гродне ў сям'і мясцовай інтэлігенцыі. Каталічка. Тата…

18 сакавіка 2025